O̱no̱zzo̱k 4:7 - Tennet

⁷ Okko gi̱i̱ ci een oo ko̱ aruge, ogon ki maa, okko ci een ram ko̱ ogon ki ariz, okko ci een i̱i̱yo̱ ko̱ anyak ngu̱m ki e̱e̱ti̱ ci diiri, okko ci een we̱c ko̱ ogon ki i̱yo̱ko̱ u̱du̱va̱nti̱ ngati a̱ku̱li̱.

O̱no̱zzo̱k 4:7 ပူးပေါင်းရင်းမြစ်များ

Kananet 49:9

Oh Ju̱da̱, ogonni i̱nna̱ ki joroni ci maawo; oboda ngati a̱gga̱me̱ enne elegje, ngeranni. Ogonni i̱nna̱ ki maa ci aluc zo̱o̱ kar ka̱ta̱ngu̱ lo̱o̱ta̱, ogonni i̱nna̱ ki ngazizi ci orong kitingawe nonno?

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

O̱no̱zzo̱k 4:6

Okko bo̱do̱k lecer oowa, anyak gilac ci ataltali ogon ki nyatapari ci a̱ddi̱ki̱re̱. Imma orgene ci lecero, anyak kaal cik aruge e̱e̱ggi̱n we̱c aburuk lecer ne riu, anyak ebere cik meelek giir ele do̱o̱k, ngu̱ma̱ ki bo̱i̱ca̱.

O̱no̱zzo̱k 6:3

Baling okko Nyoon a̱du̱l mutulac ci een rama ko̱, kiziya gi̱i̱ ci aruge ko̱ ci een rama bo̱do̱k ming azi ne, “I̱jja̱!”

O̱no̱zzo̱k 6:5

Baling okko Nyoon a̱du̱l mutulac ci een i̱i̱yo̱ ko̱, kiziya gi̱i̱ ci aruge een i̱i̱yo̱ ko̱ azi ne, “I̱jja̱!” Kicina zin ngu̱me̱ cinanni vartangec ci gi̱da̱ngi̱! Okko e̱e̱ti̱ ci ottod vartangec neci anyak gi̱i̱ ci i̱ya̱bi̱nto̱ azzine.

O̱no̱zzo̱k 6:7

Baling u̱du̱l Nyoon mutulac ci een we̱c ko̱, kiziya zin muluk ci gi̱i̱ ci aruge ko̱ ci een we̱c ko̱, azi ne, “I̱jja̱!”