O̱no̱zzo̱k 4:5 - Tennet

⁵ Iyowa a̱ha̱tti̱ ci gwo̱o̱yo̱ lecere ci alaanzetu ko̱, abadi kiwagon borowoci. Imma ngati aave leceri ko̱, anyak tukulen cik e̱e̱ggi̱n turgerem alanyiti. E̱e̱ggi̱n ne̱ke̱ vongizzok turgerem cik Ta̱mu̱ta̱dde̱no̱.

O̱no̱zzo̱k 4:5 ပူးပေါင်းရင်းမြစ်များ

Kananet 15:7

A̱nne̱k bo̱do̱k enne nonno ne, “Ke̱e̱ni̱ anna Manyi bali kanyahanni i̱nne̱t o̱rge̱ ci een Ur lo̱o̱ce̱ ci een Chaldean kar kaanyi lo̱o̱c cu kize cunne.”

Lu̱ge̱z 19:16

Imma nge̱rre̱t i̱i̱nya̱we̱ wa een i̱i̱yo̱, a̱ju̱l ta̱mu̱ kar kabad, anyak di̱i̱zo̱c ci a̱ri̱re̱ biya ta̱dde̱na̱, kar kanyak ture ci abuwe. A̱bba̱ri̱te̱t ol do̱o̱k nyaperita.

Lu̱ge̱z 20:18

Baling iziyyet ol ture ming abuwe ki ta̱mu̱ ming a̱ju̱li̱ kar kicinnet borowoc biya ta̱dde̱na̱ ming anyak bbu̱rre̱t, a̱bba̱ri̱te̱t zin nege oroot ngo̱li̱nta̱. A̱vvu̱to̱ zin reena

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Buk wa To̱ni̱a̱u̱ 2:3

Icinnet zin nege kaal cik ogon ki a̱ha̱tti̱ cik gwo̱o̱ya̱k ming engero kar zin ka̱vvu̱to̱ o̱o̱tti̱ne̱ cigge̱k do̱o̱k e̱co̱de̱ e̱co̱de̱.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 10:3

kar zin kegereny muluwe ci a̱ppwe̱ kiwagon maa. Baling egereny enne, oroi muluwani cik e̱e̱ggi̱n turgerem a̱ju̱l kiwagon borowoci.

O̱no̱zzo̱k 11:19

Oowe zin Ce̱e̱z wa Ta̱mu̱ta̱dde̱no̱ ta̱mu̱-kenga, imma ce̱e̱ze̱ neci anyak ce̱e̱ndu̱k ci olomo. I̱ye̱la̱ zin gwa̱a̱ ci borowoco, ki ming a̱ju̱l looci, ki ki̱ri̱ki̱ri̱k ki ta̱mu̱ ci a̱ju̱ka̱ teltelen.

O̱no̱zzo̱k 3:1

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Sardis waraga cu: E̱e̱ggi̱n ne̱ko̱ zo̱zzo̱k cik E̱e̱t ci anyak vongizzok cik e̱e̱ggi̱n turgerem Ta̱mu̱ta̱dde̱no̱ ki munyuny cik e̱e̱ggi̱n turgerem. Ka̱gga̱ anna li̱ngli̱ngo̱n cunno̱ng. I̱no̱nnu̱ niga a̱nnu̱ ne arugnu, abarik a̱da̱kttu̱.

O̱no̱zzo̱k 5:6

Kicina zin anna Nyoon ci abile lecera orgena, aburuk kaala cik aruge e̱e̱ggi̱n we̱c ki lo̱ddi̱ki̱re̱. Anyak enne o̱to̱ turgerem ki ebere turgerem, e̱e̱ggi̱n ne̱ko̱ vongizzok cik Ta̱mu̱ta̱dde̱no̱ e̱e̱ggi̱n turgerem i̱tto̱na̱k enne lo̱o̱c.

O̱no̱zzo̱k 8:5

Idima zin anjilo neci gi̱i̱ ci anyak mutula ko̱, kar zin kibbizitan gwo̱o̱ye̱ ci aave i̱te̱la̱, kar zin ku̱ju̱ke̱k lo̱o̱c; kar nginati kabad kiwagon borowoci, katalany kar looci kotomo kize ki̱ri̱ki̱ri̱k.