O̱no̱zzo̱k 4:10 - Tennet

¹⁰ ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 4:10 ပူးပေါင်းရင်းမြစ်များ

Ma̱te̱yo̱ 2:11

I̱tto̱zzo̱ ce̱e̱z ci a̱rri̱ta̱ne̱ ol Ye̱su̱ ko̱, icinnet abarik do̱le̱c ki yaatinne Ma̱ri̱ya̱, a̱ka̱tte̱k nege u̱zu̱ngtti̱ lo̱o̱c kar ki̱di̱ngdi̱nga̱ni̱t nonno. Idimtta muci cigge̱k aanycik nonno. Adima nege dhahab ki maal ci ongooli laala ki lotagong kize muci ci anyike nege nonno.

Lu̱ka̱ 24:52

I̱di̱ngdi̱nga̱nni̱t zin nege nonno kar kobodda Jerusalem talninte ci a̱ppwe̱ oroot.

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

O̱no̱zzo̱k 10:6

Kar zin ki̱tto̱n zar cik Ta̱mu̱ta̱dde̱n wa aruge udut, wa bali eteehenya ta̱mu̱-keng ki kaal wak aavtte nginati do̱o̱k, eenyca lo̱o̱c ki kaal ne̱k aavtte nginati ke̱ do̱o̱k, eenyca nyatapar ci a̱ddi̱ki̱re̱ ki kaal ne̱k abak nginati ke̱ do̱o̱k. Ize zin ne, “Iróng atin ngen erewinnu u̱u̱mu̱c!

O̱no̱zzo̱k 11:16

Kar zin lo̱ddi̱ki̱re̱ wak e̱e̱ggi̱n moten rama ki we̱c aavtte lecerite ko̱ kakatek u̱zu̱ngti̱nne̱ kar ki̱di̱ngdi̱nga̱ni̱t Ta̱mu̱ta̱dde̱n.

O̱no̱zzo̱k 15:4

Ngene atin ci iróng o̱ngo̱o̱li̱nni̱ i̱nne̱ta̱, Manyi, kar kanyahak di̱ngdi̱ngo̱n zar cigunnek? Eci i̱nne̱t do̱ ci a̱li̱li̱. A̱vvu̱ atin ol lo̱o̱co̱we̱ do̱o̱k kar ki̱vi̱ta̱ ki̱di̱ngdi̱nga̱nti̱ i̱nne̱ta̱, eci ol do̱o̱k icinnet zoz cunne abunna ko̱.”

O̱no̱zzo̱k 15:7

Anyak gi̱i̱ co̱de̱ kaale cik e̱e̱ggi̱n we̱c aruge ko̱ ngatinne̱ng, aanyik anjilonya cik e̱e̱ggi̱n turgerem ko̱ uduce turgerem cik e̱e̱ggi̱n dhahab, abbize mozinet ci Ta̱mu̱ta̱dde̱no̱. Abak atin Ta̱mu̱ta̱dde̱n udut.

O̱no̱zzo̱k 19:4

Imma bali vu̱rrta̱, a̱ka̱tte̱k zin lo̱ddi̱ki̱re̱ cik e̱e̱ggi̱n moten rama ki we̱c ki kaal cik aruge e̱e̱ggi̱n we̱c u̱zu̱ngti̱nne̱ kar ki̱di̱ngdi̱nga̱ni̱t Ta̱mu̱ta̱dde̱n ngati aave enne lecera. Kar nege kizeto ne, “Een de̱de̱, kinnatit Ta̱mu̱ta̱dde̱n!”

O̱no̱zzo̱k 4:2

Ataman niko i̱ki̱ya̱ Vongizi ci Ta̱mu̱ta̱dde̱no̱ kar kuwuya o̱no̱zo̱we̱, bak kacinni ngu̱me̱ cinanni ta̱mu̱-kenga lecer ci alaano kar E̱e̱ti̱ ka̱vvu̱ lecere neci.

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.

O̱no̱zzo̱k 4:9

Gon ming ovvo kaala ne̱k aruge e̱e̱ggi̱n we̱c ko̱ ovvo aanyik di̱ngdi̱ngo̱n, bak o̱ngo̱o̱le̱ kar kanycik zany E̱e̱t ci aave lecere ci alaanzetinu ko̱, nonno ci abak udut,

O̱no̱zzo̱k 5:14

Izeto zin kaala cik aruge e̱e̱ggi̱n we̱c ko̱ ne, “Yo, anyik ku̱tu̱gu̱ niko.” Kar zin lo̱ddi̱ki̱re̱ kakatek u̱zu̱ngti̱nne̱ ki̱di̱ngdi̱nga̱ni̱t Ta̱mu̱ta̱dde̱n.

O̱no̱zzo̱k 5:8

Kar baling a̱gga̱ma̱ enne waraga neci, a̱ka̱tte̱k zin kaala cik aruge e̱e̱ggi̱n we̱c ko̱ ki lo̱ddi̱ki̱re̱ moten rama ki we̱c do̱o̱k nonno u̱zu̱ngti̱nne̱. Anyak ngenngene gitar kar ka̱gga̱mi̱t bo̱do̱k uduce cik e̱e̱ggi̱n dhahab abbize lotagongi, e̱e̱ggi̱n ne̱ko̱ kaal cik alawe ol cik a̱li̱le̱ Ta̱mu̱ta̱dde̱n.

O̱no̱zzo̱k 7:11

Ovvo anjilonya do̱o̱k abile aburuk lecer wa alaanzetu ki lo̱ddi̱ki̱re̱ ki kaal cik aruge e̱e̱ggi̱n we̱c. A̱ka̱tte̱k zin nege u̱zu̱ngti̱nne̱ lecera kar zin ki̱di̱ngdi̱nga̱ni̱t Ta̱mu̱ta̱dde̱n,