O̱no̱zzo̱k 3:8 - Tennet

⁸ Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.

O̱no̱zzo̱k 3:8 ပူးပေါင်းရင်းမြစ်များ

Lu̱ka̱ 12:9

Imma e̱e̱ti̱ ci amikzena annit orgene ci ollu, kokko atin anna kamikzene nonno bu̱k ngati utubte anjilonya cik Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 15:20

A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Kaviyak wak Abunna Ta̱mu̱ta̱dde̱no̱ eher Joni 17:6

“I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.

Buk wa To̱ni̱a̱u̱ 14:27

Baling a̱ra̱yya̱ nege Antiyok, u̱tu̱yya̱ ol wak a̱tu̱we̱ do̱o̱k kar ku̱du̱kta̱k kaal cik u̱tu̱gu̱we̱k Ta̱mu̱ta̱dde̱n nogo ki bo̱do̱k ol wak iróng een Ya̱u̱d u̱tu̱we̱t Ye̱su̱.

1 Ko̱ri̱nto̱ 16:9

eci kanyai gool ci a̱ppwe̱ ngatu kar arrak ki̱li̱ngli̱ng li̱ngli̱ngo̱n ci Ta̱mu̱ta̱dde̱no̱, ming wo̱ye̱ nu̱nu̱n amarina ol cik meelek niko ko̱.

2 Ko̱ri̱nto̱ 2:12

Baling kuwa o̱rge̱ ci een Troas kar kuwahek ol kaviyak cik abunna Ki̱ri̱sto̱, oo zin Manyi zi̱nze̱tti̱ cik ol ne̱ke̱ kar kuwahek ol kaviyak waginnek,

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Kolosiya 4:3

Kar alayettu agit bu̱k Ta̱mu̱ta̱dde̱n, kar enne koowet gool ci kuwaheka ol kaviyak cik abunna, kar ku̱du̱kta̱k ol zoz ci Ye̱su̱ Ki̱ri̱sto̱ bali a̱lu̱gnye̱ ke̱. Kecebje zin anna lagama zo̱ze̱ necu.

1 Ti̱mo̱te̱yo̱ 5:8

Imma ming iróng e̱e̱ti̱ azunne tatug cinne̱ng, ommogje ol cik ce̱e̱z cinne, utubur enne zoz ci a̱tu̱we̱ ol Ta̱mu̱ta̱dde̱n, ommog abarik enne e̱e̱t ci ngen kelema Ta̱mu̱ta̱dde̱n.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 2:2

Ka̱gga̱ anna li̱ngli̱ngo̱n cunno̱ng ki nimenet no̱ngi̱tto̱n. Ka̱gga̱ iróng niga elemnyyu ol cik mu̱nye̱nu̱, itimanttu niga ol cik azi ne ke̱e̱ggi̱nna̱ to̱ni̱a̱k cik Ye̱su̱, iróng zin een de̱de̱, amuda e̱e̱ggi̱n nege volongnyok iróng e̱e̱ggi̱n to̱ni̱a̱k cigannik.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 3:1

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Sardis waraga cu: E̱e̱ggi̱n ne̱ko̱ zo̱zzo̱k cik E̱e̱t ci anyak vongizzok cik e̱e̱ggi̱n turgerem Ta̱mu̱ta̱dde̱no̱ ki munyuny cik e̱e̱ggi̱n turgerem. Ka̱gga̱ anna li̱ngli̱ngo̱n cunno̱ng. I̱no̱nnu̱ niga a̱nnu̱ ne arugnu, abarik a̱da̱kttu̱.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:15

Ka̱gga̱ anna kaal wak ogonnu niga do̱o̱k, iróng niga alalnu icima a̱bu̱rnu̱. Maya ming alalnu icima a̱bu̱rnu̱!

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.