O̱no̱zzo̱k 3:5 - Tennet

⁵ Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.

O̱no̱zzo̱k 3:5 ပူးပေါင်းရင်းမြစ်များ

Ma̱te̱yo̱ 10:32

“Ming u̱du̱wa̱ e̱e̱ti̱ azi ne ke̱e̱ni̱ enne e̱e̱t cinanni, ka̱du̱wa̱k atin anna Baba ta̱mu̱-kenga bu̱k zoz ci azi ne een e̱e̱ti̱ necu cinanni.

Lu̱ka̱ 10:20

Ma zin atalninnu zo̱ze̱ ci o̱ngo̱o̱li̱nnu̱ng kuulo i̱ge̱ta̱, abarik atalit zo̱ze̱ ci eteherte zara ciggo̱k ta̱mu̱-kenga.”

Lu̱ka̱ 12:8

“Ka̱du̱wa̱kku̱ng anna i̱ge̱ta̱, imma e̱e̱ti̱ ci elemanna annit orgene ci ollu, okko atin Ngerrti E̱e̱to̱ elemna nonno orgene ci anjilonya cik Ta̱mu̱ta̱dde̱no̱.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 19:8

Anyozik nonno ru̱u̱m ci voori een waruc, alanyit ki̱zi̱zi̱, anyozik nonno kitimanek ele.” (I̱ye̱la̱ ru̱u̱m neci voori aburuc nyatirani ko̱ kaal wak abunna ogon ol wak Ta̱mu̱ta̱dde̱no̱ a̱li̱le̱.)

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 20:12

Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 21:27

I̱llo̱i̱ atin gi̱i̱ imma ci anyak mu̱nye̱n kar ki̱tto̱ ngin neci, icima i̱i̱zo̱ e̱e̱ti̱ imma ci ogon kaal cik gerzek, abarik i̱i̱zo̱ ol cik e̱he̱rye̱ zara cigge̱k buwe ci Nyoono rugeto do̱ niko cik aavtte o̱rge̱ neci.

O̱no̱zzo̱k 22:19

Ming aara e̱e̱ti̱ imma zoz imma buwe ci i̱ye̱le̱ka̱ Vongizi ci Ta̱mu̱ta̱dde̱no̱ ko̱, engera atin Ta̱mu̱ta̱dde̱n taban cinne keete ci rugeto ki o̱rge̱ ci a̱ddi̱ki̱re̱ a̱li̱le̱, cik e̱he̱rye̱ buwe cu ko̱.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.

O̱no̱zzo̱k 3:4

Anyakku niga ol cikidik Sardisa cik iróng ongonyek ru̱u̱ma̱ni̱ cigge̱k mu̱nye̱n. Ovvo atin nege owo ki annita ru̱u̱ma̱ni̱ne̱ cik voorik, eci nege e̱e̱ggi̱n ol cik abunna.

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.