O̱no̱zzo̱k 3:4 - Tennet

⁴ Anyakku niga ol cikidik Sardisa cik iróng ongonyek ru̱u̱ma̱ni̱ cigge̱k mu̱nye̱n. Ovvo atin nege owo ki annita ru̱u̱ma̱ni̱ne̱ cik voorik, eci nege e̱e̱ggi̱n ol cik abunna.

O̱no̱zzo̱k 3:4 ပူးပေါင်းရင်းမြစ်များ

Ma̱te̱yo̱ 10:11

“Ming i̱zzo̱yu̱ orog imma, icinnet e̱e̱t ci abunna o̱rge̱ neci kar a̱vvu̱t ce̱e̱ze̱ cinne nginti ingannu.

Marko 16:5

Baling ovvo nege i̱i̱zo̱ ilomi, u̱mu̱dda̱ lo̱gu̱t ci aim ru̱u̱m ci voori ming aave o̱to̱ne̱ ci a̱zzo̱. U̱ku̱lte̱k zin nege je̱e̱n.

Lu̱ka̱ 20:35

Ma̱i̱je̱ ol wak abak baiz ci abunna bu̱u̱le̱ cu ming ovvo ol ingazi daiza, iróng atin nege aruce icima a̱ti̱ye̱,

Lu̱ka̱ 21:36

Abunna ming azunnu niga e̱le̱tti̱ ju̱rru̱m, kar alac Ta̱mu̱ta̱dde̱n kar ka̱a̱nyu̱ng gool ci alittu kaal cik atin a̱vvu̱na̱k lo̱o̱c ko̱, kar atin ibilet ngu̱me̱ ci Ngerrti E̱e̱to̱.”

Buk wa To̱ni̱a̱u̱ 1:15

Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).

2 Te̱se̱lo̱ni̱ka̱ 1:5

A̱kku̱ atin i̱i̱te̱ni̱ ci okko Ta̱mu̱ta̱dde̱n ettede lo̱ki̱ko̱ ci ollu ju̱rru̱m, kar kidiman ol balik a̱gi̱d ol zo̱ze̱ ci ba̱a̱li̱ne̱t ci okko Ta̱mu̱ta̱dde̱n abale lo̱o̱c.

Ju̱da̱ 1:23

Eelta e̱e̱t ci orong kar keelai, eelta nogo kiwagon ming eelannu ol gwo̱o̱ya̱ ko̱. Imma zin ngati anyakku ngo̱li̱ne̱t zi̱nze̱tti̱nne̱ cuggo̱k, i̱ti̱ri̱zze̱t ol wak orongi. Abarik zin amartoi rok ru̱u̱ma̱ni̱ wak ol wak ogon kaal cik gerzek ko̱.

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 11:13

Imma i̱i̱te̱ne̱ neci ele anyak looci ki̱rki̱ri̱k kar ce̱e̱zi̱ cik orog ci a̱ddi̱ki̱re̱ ko̱ lo̱lo̱i̱t cidici ku̱yu̱kte̱. U̱ru̱kte̱ ol cik e̱e̱ggi̱n i̱bbo̱nge̱t turgerem (7,000) ki̱ri̱ki̱ri̱ye̱ neci. Kar ol wak anyigzai aruge ko̱ ka̱bba̱ri̱te̱t ki̱di̱ngdi̱nga̱ni̱t Ta̱mu̱ta̱dde̱n ci aave ta̱mu̱-kenga.

O̱no̱zzo̱k 14:4

E̱e̱ggi̱n ne̱ko̱ ol cik iróng a̱wu̱l e̱le̱tti̱ ngaane, eci azunne e̱le̱tti̱ cigge̱k kizeto caale ne paz. Annu nege Nyoon rok nginti okkoye enne. Ataltai nege arrak oowa orgene ci ol cik diirik kar kanycozik nogo kizeto cik Ta̱mu̱ta̱dde̱no̱ ki ci Nyoono, kar nege kizeto ol cik riilik lo̱o̱ta̱ ngatu.

O̱no̱zzo̱k 19:14

Annu aciiri cik ta̱mu̱-kengo nonno, ottod nege vartange cik voorik kar ki̱ti̱me̱t ru̱u̱ma̱ni̱ cik anyankute kar kizeto voore ki̱zi̱ze̱c.

O̱no̱zzo̱k 19:8

Anyozik nonno ru̱u̱m ci voori een waruc, alanyit ki̱zi̱zi̱, anyozik nonno kitimanek ele.” (I̱ye̱la̱ ru̱u̱m neci voori aburuc nyatirani ko̱ kaal wak abunna ogon ol wak Ta̱mu̱ta̱dde̱no̱ a̱li̱le̱.)

O̱no̱zzo̱k 3:18

Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.

O̱no̱zzo̱k 3:5

Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.