O̱no̱zzo̱k 3:3 - Tennet

³ Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.

O̱no̱zzo̱k 3:3 ပူးပေါင်းရင်းမြစ်များ

Ma̱te̱yo̱ 25:13

“I̱yo̱ko̱ zin, e̱re̱yyo̱ ju̱rru̱m, eci niga iróng a̱gga̱yyu̱ i̱i̱te̱n icima i̱i̱ ci okko Ngerrti E̱e̱to̱ obodak lo̱o̱c.”

Marko 13:33

U̱zu̱tte̱ e̱le̱tti̱ ju̱rru̱m! Iróng niga a̱gga̱yyu̱ a̱kku̱ i̱i̱te̱ni̱ neci atinga.

Marko 13:36

Ming obok we̱t cinne, gerza ming amudannung ming adungnu.

1 Te̱se̱lo̱ni̱ka̱ 5:2

Eci niga a̱gga̱yyu̱ niko obokket atin wazini ci a̱kku̱nne̱ Manyi ki ta̱mu̱ ci tagizo.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

2 Ti̱mo̱te̱yo̱ 1:13

Gga̱m zo̱zo̱nno̱k balik een de̱de̱ iziyu ngatinanni ke̱, nyak tu̱we̱ne̱t ki rezinet ngati Ye̱su̱ Ki̱ri̱sto̱.

I̱bu̱ru̱ 2:1

Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.

2 Peturu 1:13

Ki̱no̱ni̱ anna abunna ka̱a̱da̱ku̱ng zoz necu zee nginti ka̱da̱kne̱.

2 Peturu 3:1

Gotonogga ki ngonogga tu̱we̱nta̱, i̱yo̱ko̱ keherakkung bo̱do̱k waraga necu kar kunu gooni bali arrak keherakkung oowa ke̱. Imma zin waraganyai ne̱ko̱ do̱o̱k, korongi ka̱a̱da̱u̱ng i̱ge̱t zo̱zzo̱k ne̱ke̱ kar i̱no̱ni̱t nogo do̱o̱k.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”

O̱no̱zzo̱k 2:25

U̱zu̱tte̱ gool ci abunna ko̱ zee ki̱ki̱ya̱ anna.

O̱no̱zzo̱k 2:5

I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 3:11

Ka̱kku̱ni̱ anna ataman. U̱zu̱tte̱ zoz ci anyakku niga ko̱, kar atin iróng e̱e̱ti̱ imma okkoye lulukwa cuggo̱k alaanzetinu.

O̱no̱zzo̱k 3:19

Ovvo ol cik kirezi anna kegerenyek kar ki̱ti̱lo̱ nogo. Izet zin ol cik a̱du̱wa̱nnu̱ zoz ci een de̱de̱, kar etteddo ki ba̱ci̱nno̱k zo̱o̱.

O̱no̱zzo̱k 3:2

Aarta zin iin! Aanycik doiz ci anyakku niga cidici ko̱ kokkom, ize ojon ngati edeccai kaala cik abunna u̱tu̱gu̱zzu̱ niga ko̱, eci kuruba anna iróng li̱ngli̱ngo̱ni̱ cunno̱ng abunna oroot ngu̱me̱ ci Ta̱mu̱ta̱dde̱no̱.