Imma vu̱rrta̱ a̱a̱dda̱ zin nuyaha cik Ye̱su̱ zoz ci e̱he̱rye̱ Warage ci Ta̱mu̱ta̱dde̱no̱ azi ne, “Alanyit rezinet ci kireze Ce̱e̱z cunne zinine cinanni kiwagon gwa̱a̱.”
Iróng ol uggak a̱gga̱yye̱tta̱, abarik a̱gga̱yye̱ttu̱ niga agit oroot. Ogon ki ci ka̱da̱kta̱, abarik ngen karugna, ming edezet ol nu̱nu̱n, ngen ku̱ru̱ktte̱t ka̱da̱kta̱.
Ming orong e̱e̱ti̱ imma ku̱tu̱gu̱we̱u̱ng i̱ge̱t gi̱i̱ ci abunna, iróng gerza, abarik anyik ku̱tu̱gu̱ odohize, anyik ku̱tu̱gu̱ zinine ci voori ming iróng karume ki i̱ge̱ta̱.
Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.
A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.
I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.