O̱no̱zzo̱k 3:18 - Tennet

¹⁸ Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.

O̱no̱zzo̱k 3:18 ပူးပေါင်းရင်းမြစ်များ

Ma̱te̱yo̱ 13:44

“Ogon ba̱a̱li̱ne̱t ci ta̱mu̱-kengo ki e̱e̱ti̱ ci een i̱to̱i̱t adawek kaal ciginnek ma̱na̱. Ming okko e̱e̱ti̱ ci diiri amuda, a̱lu̱gu̱ny enne bu̱k, kar enne talninte ci okko utene kaal cik anyak enne do̱o̱k, kar kutuwai ma̱na̱ neci.

Ma̱te̱yo̱ 25:9

“O̱bo̱dde̱k zin gonogga nogo, a̱nne̱k ne, ‘Iróng naga kanyaka maal ci eleno ki agit veelek. Abarik oot ngati ol wak gon utene maal kar ataltta maal nginati.’

Lu̱ka̱ 12:21

“Ogon atin niko ngati e̱e̱t imma ci adazek kaal ele cinne, ma̱i̱je̱ ngatu iróng enne een jaitot ngati Ta̱mu̱ta̱dde̱no̱.”

2 Ko̱ri̱nto̱ 5:3

Eci ming kovvo naga kaavtte ki Ta̱mu̱ta̱dde̱n ta̱mu̱-kenga, kanyak atin naga kaal do̱o̱k.

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”

O̱no̱zzo̱k 19:8

Anyozik nonno ru̱u̱m ci voori een waruc, alanyit ki̱zi̱zi̱, anyozik nonno kitimanek ele.” (I̱ye̱la̱ ru̱u̱m neci voori aburuc nyatirani ko̱ kaal wak abunna ogon ol wak Ta̱mu̱ta̱dde̱no̱ a̱li̱le̱.)

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 3:17

A̱nnu̱ niga ne, ‘Ke̱e̱ni̱ anna jaitot; kuruba anna jainzet, iróng ngen korongi gi̱i̱ imma.’ Iróng zin niga a̱gga̱yyu̱ e̱e̱ggi̱nnu̱ niga ma̱ta̱k, bo̱yyo̱k, kaalakreng, ru̱be̱no̱k kar a̱vvu̱t nga̱dhi̱ri̱r.

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.

O̱no̱zzo̱k 7:13

I̱jji̱nna̱ zin e̱e̱ti̱ co̱de̱ lo̱ddi̱ki̱re̱i̱ ne̱ke̱, a̱nne̱ka̱ ne, “Iko ngene cik anyak ru̱u̱ma̱ni̱ cik voorik ko̱, a̱vvu̱ nege nga?”