O̱no̱zzo̱k 3:12 - Tennet

¹² Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.

O̱no̱zzo̱k 3:12 ပူးပေါင်းရင်းမြစ်များ

Marko 12:16

Anyakttak zin nege nonno o̱ro̱bi̱ya̱c, kar zin Ye̱su̱ ki̱jji̱n nogo kizek ne, “Ma ngu̱m cu ci ngene bo̱do̱k zara cik e̱he̱rye̱ ko̱ cik ngene?” Abarizek nege nonno, a̱nne̱k ne, “Ngu̱m ki zar cik alaan ci a̱ddi̱ki̱re̱ Romi.”

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Evesos 3:15

Amuda kaala cik abak ta̱mu̱-kenga ki lo̱o̱ta̱ ngatu ruget do̱o̱k ngatinne.

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 13:14

Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

1 Jon 4:4

Niga dooli cigannik tu̱we̱nta̱, a̱gga̱c e̱e̱ggi̱nnu̱ niga dooli cik Ta̱mu̱ta̱dde̱no̱, ommogtu niga vongizzok eci Vongizi ci A̱li̱le̱ aave ngatinno̱ng ko̱ ommog Sitan ci aave lo̱o̱ta̱ ngatu ko̱.

O̱no̱zzo̱k 14:1

Kicina zin anna bo̱do̱k Nyoon ci abile biye ci een zara Zion, ki ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) wak e̱he̱rye̱ zara cik Nyoono ki cik Baatinne ngu̱mtti̱nne̱ cigge̱k.

O̱no̱zzo̱k 17:14

Anyaha atin nege illa ci oore Nyoon, ma̱i̱je̱ atin Nyoon ommog nogo ma̱rri̱t enne een Manyi ci ma̱ci̱gi̱nnu̱ ki Alaan ci alaatu veelek. Ovvo ol wak annu nonno ko̱ atahaltai kar ku̱zu̱tte̱ zoz cinne.”

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 21:2

Kedenya orog ci A̱li̱le̱, een Jerusalem ci een jor, iyowa ta̱mu̱-kenga ngati Ta̱mu̱ta̱dde̱no̱, kar zin kidiman ele ogon ki nyatirani ci aime ki̱zi̱zi̱ kicin mac cinne.

O̱no̱zzo̱k 22:4

Acin atin nege ngu̱m cinne ele, kar zin atin zara ciginnek keteherte ngu̱mtti̱nne̱ cigge̱k.

O̱no̱zzo̱k 3:5

Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.