O̱no̱zzo̱k 3:11 - Tennet

¹¹ Ka̱kku̱ni̱ anna ataman. U̱zu̱tte̱ zoz ci anyakku niga ko̱, kar atin iróng e̱e̱ti̱ imma okkoye lulukwa cuggo̱k alaanzetinu.

O̱no̱zzo̱k 3:11 ပူးပေါင်းရင်းမြစ်များ

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

Vilipia 4:5

Tu̱gu̱we̱k ol do̱o̱k kaal cik abunna zinine ci alali. Ize ojon i̱i̱te̱ni̱ ci a̱kku̱nne̱ Manyi.

2 Ti̱mo̱te̱yo̱ 2:5

Ming ngen e̱e̱ti̱ ci a̱vi̱r kedeca vi̱ra̱, iróng ol amuci, anyike ol atin nonno gi̱i̱ ci ijare enne ol vu̱rrta̱ ngati edeccai vi̱ra̱ go̱o̱le̱ ci a̱du̱wa̱ne̱ nege.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

Je̱mi̱s 5:9

Ma ozozu e̱le̱tti̱, ettedekkung atin Ta̱mu̱ta̱dde̱n i̱ge̱t lo̱ki̱ko̱. E̱re̱ye̱ lo̱ki̱ko̱ cunno̱ng tatuga.

O̱no̱zzo̱k 1:3

A̱mu̱yu̱k atin Ta̱mu̱ta̱dde̱n e̱e̱t ci ikeb zoz ci Ta̱mu̱ta̱dde̱no̱ e̱he̱rye̱ buwe cu ko̱, a̱mu̱yu̱k atin bo̱do̱k Ta̱mu̱ta̱dde̱n ol cik aziye zoz necu kar zin kartik zi̱nze̱tti̱, ma̱rri̱t ize ojon wazini ci ovvo atin kaala ne̱ko̱ do̱o̱k ogone.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 2:25

U̱zu̱tte̱ gool ci abunna ko̱ zee ki̱ki̱ya̱ anna.

O̱no̱zzo̱k 22:12

A̱nne̱ka̱ zin bo̱do̱k Ye̱su̱ ne, “Aarta da̱ iin ju̱rru̱m, kokko anna ka̱kku̱ni̱ ataman! Kanyai anna muci cinanni, kanyike atin anna e̱e̱t imma go̱o̱le̱ ci u̱tu̱gu̱we̱ enne kaal baize cinne.

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 3:3

Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.

O̱no̱zzo̱k 4:10

ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.