O̱no̱zzo̱k 3:10 - Tennet

¹⁰ Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:10 ပူးပေါင်းရင်းမြစ်များ

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Ma̱te̱yo̱ 26:41

“Cinno kar la Ta̱mu̱ta̱dde̱n gerza ming i̱i̱na̱k timaninet. Elemi vongizi cunne, imma ele iróng uule.”

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Marko 14:9

Ka̱du̱wa̱kku̱ng zin zoz ci een de̱de̱, ming uwahe kaviyaha cik abunna lo̱o̱cco̱k do̱o̱k, okko gi̱i̱ ci u̱tu̱gu̱ ngaa necu ikeb kize zoz ci aadane ol nonno.”

Lu̱ka̱ 2:1

Okko e̱rki̱te̱ neci abale Agusto alaan ci a̱ddi̱ki̱re̱ Romi ke̱ lo̱o̱c, i̱tto̱n zin enne zoz ci ovvoye olli Romi do̱o̱k te̱he̱ri̱ne̱t zar o̱ro̱gjo̱we̱.

Kaviyak wak Abunna Ta̱mu̱ta̱dde̱no̱ eher Joni 17:6

“I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.

Roma 1:8

Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

Evesos 6:13

I̱yo̱ko̱ zin, a̱gga̱mi̱t i̱be̱n cik Ta̱mu̱ta̱dde̱no̱ kar inimet illa ci lo̱rye̱nto̱ ming i̱ki̱ya̱ i̱i̱te̱ni̱ neci. Akatek zo̱o̱ lo̱o̱c, i̱li̱ngli̱nge̱t kaal cik a̱a̱nyu̱ng Ta̱mu̱ta̱dde̱n do̱o̱k, kar ommogit lo̱rye̱ni̱t.

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

Je̱mi̱s 3:12

Gotonogga ki ngonogga tu̱we̱nta̱, a̱bbi̱rna̱ wo̱ye̱ keet ci een muune i̱ngi̱ro̱, icima keet ci ogon ki lobata a̱bbi̱rna̱ wo̱ye̱ muune? Iróng zin e̱be̱re̱ci̱ ci anyak maam cik abukcule ukce kize maam cik emede.

1 Peturu 4:12

Niga gotonogga ki ngonogga tu̱we̱nta̱, ma a̱ku̱le̱kku̱ je̱e̱n icima anyikku zi̱nze̱tti̱ ku̱u̱ce̱t ngati apirnannu, a̱vvu̱na̱kku̱ng atin kaala cik gerzek kar kitimantung.

2 Peturu 2:9

Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 11:10

Ovvo olli lo̱o̱tu̱ atalne ki ci adak nege kwo̱o̱r go̱o̱le̱ ci i̱tto̱ne̱ nege muci cigge̱k, eci a̱ri̱tto̱wa̱ cik e̱e̱ggi̱n rama ko̱ i̱gi̱dde̱t ol cik abak lo̱o̱ta̱ ko̱.

O̱no̱zzo̱k 13:10

Ming anyozik e̱e̱ti̱ imma kar atin ka̱gga̱me̱ illawa, okko atin enne a̱gga̱mnye̱ de̱de̱. Ming u̱du̱ya̱i̱ zoz ci e̱e̱to̱ okko enne a̱ru̱we̱ nya̱tu̱ba̱ta̱ ka̱da̱k, a̱ru̱we̱ atin enne nya̱tu̱ba̱ta̱ de̱de̱. Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kinimet zo̱zzo̱k kanyait zi̱nze̱tti̱ cik alali.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 14:12

Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kanyait zi̱nze̱tti̱ cik alali, anime no̱ngi̱tto̱n kar ko̱to̱ngo̱o̱ltte̱ lo̱ti̱nno̱k cik Ta̱mu̱ta̱dde̱no̱ kar ke̱me̱dda̱ odohize ngati a̱tu̱we̱ zoz ci Ye̱su̱.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 17:2

A̱ta̱gu̱zzo̱ alaata cik lo̱o̱tu̱ ko̱ do̱o̱k ki ngaa neci, ovvo olli lo̱o̱tu̱ do̱o̱k ibbakce zo̱ze̱ ci a̱li̱ya̱kze̱t cinne ko̱.”

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 3:8

Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.

O̱no̱zzo̱k 6:10

U̱tu̱ye̱ zin nege muluwe ci a̱ppwe̱, azi ne, “Manyi ci a̱li̱le̱ de̱de̱, rok atinga ci okko i̱nna̱ edezi olli lo̱o̱tu̱ kar caca bi̱ye̱ cigga̱k?”

O̱no̱zzo̱k 8:13

Kicina zin anna o̱no̱zo̱we̱, kiziya zin anna u̱du̱va̱ni̱t ci a̱ku̱l ta̱dde̱na̱ awe muluwe ci a̱ppwe̱, ize ne, “Izeto nonga o̱lle̱, izeto nonga o̱lle̱! Izeto nonga o̱lle̱ ngati olli lo̱o̱tu̱, eci ovvo anjilonya cik e̱e̱ggi̱n i̱i̱yo̱ ko̱ ovvo abu turet cigge̱k.”