O̱no̱zzo̱k 22:9 - Tennet

⁹ Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”

O̱no̱zzo̱k 22:9 ပူးပေါင်းရင်းမြစ်များ

Ma̱te̱yo̱ 4:9

A̱nne̱k lo̱rye̱nti̱ Ye̱su̱ ne, “Ming akateya u̱zu̱ngtti̱ lo̱o̱c ngati a̱di̱ngdi̱nga̱na̱n, kaanyi kaal cik a̱zi̱ze̱ lo̱o̱ta̱ ko̱ do̱o̱k.”

Lu̱ka̱ 4:7

I̱yo̱ko̱ ming a̱di̱ngdi̱nga̱na̱ i̱nna̱ annita, e̱e̱ggi̱n atin kaala ne̱ko̱ do̱o̱k cigunnek.”

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 14:7

Egereny zin enne muluwe ci a̱ppwe̱ azi ne, “O̱to̱ngo̱o̱ltte̱ Ta̱mu̱ta̱dde̱n kar i̱di̱ngdi̱nga̱nni̱t nonno, eci i̱ki̱ya̱ i̱i̱te̱ni̱ ci okko enne ettedik ol lo̱ki̱ko̱. I̱di̱ngdi̱nga̱nni̱t nonno wa eenyca ta̱mu̱-keng ki lo̱o̱c, ki nyatapar ci a̱ddi̱ki̱re̱ ki moren wak erenane.”

O̱no̱zzo̱k 15:4

Ngene atin ci iróng o̱ngo̱o̱li̱nni̱ i̱nne̱ta̱, Manyi, kar kanyahak di̱ngdi̱ngo̱n zar cigunnek? Eci i̱nne̱t do̱ ci a̱li̱li̱. A̱vvu̱ atin ol lo̱o̱co̱we̱ do̱o̱k kar ki̱vi̱ta̱ ki̱di̱ngdi̱nga̱nti̱ i̱nne̱ta̱, eci ol do̱o̱k icinnet zoz cunne abunna ko̱.”

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 22:10

A̱nne̱ka̱ zin enne annit ne, “Ma orodi zo̱zzo̱k cik i̱ye̱le̱ki̱ Vongizi ci Ta̱mu̱ta̱dde̱no̱ buwe cu, eci ize ojon i̱i̱te̱ni̱ kar kaala ne̱ko̱ ku̱tu̱gu̱zze̱.

O̱no̱zzo̱k 22:18

Ka̱du̱wa̱kku̱ng zin anna Joni i̱ge̱ta̱ do̱o̱k ol wak aziye zoz ci i̱ye̱la̱ Vongizi ci Ta̱mu̱ta̱dde̱no̱ buwe cu: Ming otornik e̱e̱ti̱ imma gi̱i̱ imma buk ci Ta̱mu̱ta̱dde̱no̱ ko̱, otornik atin Ta̱mu̱ta̱dde̱n nonno zerenin cik e̱he̱rye̱ buwe cu ko̱.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 4:10

ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 9:20

Imma ol balik ngen ku̱ru̱kte̱ zerenine ke̱, iróng ungnek kaal cik adiman nege azzine cigge̱k; iróng ngen abilne gool ci a̱di̱ngdi̱nga̱ne̱ nege kuulo cik lo̱rye̱nta̱k, ki to̱do̱yyo̱k cik adimanai zu̱rte̱ne̱ne̱ cik een dhahab, ki ziik cik ataltali, ki biyen ki keen, to̱do̱yyo̱k cik iróng acine icima aziye icima owo.