O̱no̱zzo̱k 22:6 - Tennet

⁶ A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”

O̱no̱zzo̱k 22:6 ပူးပေါင်းရင်းမြစ်များ

Kananet 41:32

Okko zoz ci anyonike alaan o̱no̱zzo̱wa̱ go̱o̱lo̱we̱ cik een rama eci Ta̱mu̱ta̱dde̱n odola zoz cinne, kar okko atin Ta̱mu̱ta̱dde̱n ogon kaal ne̱ke̱ ataman.

Ma̱te̱yo̱ 13:41

Okko atin Ngerrti E̱e̱to̱ i̱tto̱n anjilonya waginnek ta̱mu̱-kenga, ovvo atin aluta ol ba̱a̱li̱nte̱ cinne wak ogon kaal wak gerzek mu̱nye̱nu̱ do̱o̱k.

Lu̱ka̱ 1:70

ki bali ming a̱du̱wa̱k enne go̱o̱le̱ ci a̱ri̱tto̱k waginnek a̱li̱le̱ reentik,

Lu̱ka̱ 16:16

A̱nne̱k zin bo̱do̱k Ye̱su̱ nogo ne, “Uwakte lo̱ti̱nno̱wa̱ cik Musesi ki zoz ci a̱ri̱tto̱u̱ zee rok Jon. Kar zin vu̱rrta̱ i̱i̱te̱ne̱ neci, uwaktozik zin ol kaviyaha cik abunna obod ki ba̱a̱li̱ne̱t ci Ta̱mu̱ta̱dde̱no̱, kar ol do̱o̱k kadangtek e̱le̱tti̱ cigge̱k ba̱a̱li̱ne̱t cinne.

Buk wa To̱ni̱a̱u̱ 12:11

Bali vu̱rrta̱, i̱ki̱ya̱ Peturu a̱gga̱ zoz neci, kar kize ne, “I̱yo̱ko̱ zin ka̱gga̱wa̱ anna ming een Manyi ci i̱tto̱na̱ anjilo cinne ki̱ki̱ya̱ keelawa annit azzine cik He̱ro̱di̱ ki kaal do̱o̱k balik gerzek orong olli Ya̱u̱do̱ ogonika annit ke̱.”

Buk wa To̱ni̱a̱u̱ 3:18

Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna.

Roma 1:2

I̱ye̱la̱ Ta̱mu̱ta̱dde̱n ba̱li̱ye̱ kaviyak ne̱k abunna ke̱, go̱o̱le̱ ci anyike a̱ri̱tto̱k cik zoz cinne keteherttek waraga wainne a̱li̱le̱.

1 Ko̱ri̱nto̱ 14:32

Imma e̱e̱ti̱ ci een a̱ri̱to̱i̱t ko̱ anyak doiz ci abilize enne ele cinne kar kaanyik e̱e̱t imma kozoz.

1 Ko̱ri̱nto̱ 7:29

Gotonogga ki ngonogga tu̱we̱nta̱, ka̱du̱wa̱kku̱ng zoz cu, eci izeto idice i̱i̱nya̱ oroot cik kar looci kuṯurei. Imma zin i̱yo̱ko̱, anyik ol wak anyak ngaai kabaito ki ci iróng nege anyak ngaai, ci iróng nege arike zi̱nze̱tti̱ cigge̱k nogo do̱ oroot.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

I̱bu̱ru̱ 12:9

Ming i̱lo̱tte̱t be̱e̱ti̱gga̱c lo̱o̱ta̱ ngatu, ko̱ngo̱o̱le̱ zin naga nogo zo̱ze̱ necu. Abunna zin ko̱ngo̱o̱le̱ Be̱e̱ti̱nna̱ wa vongizzok cigga̱k aave ta̱mu̱-kenga kar kabait udut.

2 Peturu 1:21

Eci i̱llo̱i̱ a̱ri̱to̱i̱t ci ozoz kaal cik akana enne o̱o̱we̱ cinne do̱. Abarik zin Ta̱mu̱ta̱dde̱n ozozek zoz cinne a̱ri̱tto̱k go̱o̱le̱ ci Vongiz ci A̱li̱le̱.

2 Peturu 3:2

Korongnyung i̱ge̱t a̱a̱dda̱ zo̱zzo̱k balik a̱du̱wa̱ a̱ri̱tto̱wa̱ wak a̱li̱le̱ zoz ci Ta̱mu̱ta̱dde̱no̱, ki bo̱do̱k de̱mzi̱ne̱t ci Manyitinna wa een Ti̱ri̱zo̱i̱t bali edemezek enne to̱ni̱a̱k.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”

O̱no̱zzo̱k 19:9

A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”

O̱no̱zzo̱k 21:5

Kar E̱e̱ti̱ bali aave lecera ke̱ kize ne, “Kogonni anna kaal do̱o̱k kizeto cik adimanai jor!” Kar zin enne bo̱do̱k kize ne, “Teherik zoz necu lo̱o̱c, eci zo̱zzo̱wa̱ e̱e̱ggi̱n de̱de̱ agano ki tu̱we̱ne̱t.”

O̱no̱zzo̱k 21:9

I̱ki̱ya̱ zin annit anjilo co̱de̱ anjilonyai cik e̱e̱ggi̱n turgerem ko̱, balik anyak uduce turgerem abbize zerenina kar kize ne, “I̱jja̱, ki̱ye̱le̱ki̱ atin nyatiran, ngaa ci Nyoono.”

O̱no̱zzo̱k 22:1

I̱ye̱le̱ya̱ zin anjilo liil wa a̱ri̱k maama cik rugeto cik caalek paz, a̱ri̱ya̱ lecere ci Ta̱mu̱ta̱dde̱no̱ ki ci Nyoono,

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 4:1

Kicina anna o̱no̱zo̱we̱ tatug ta̱mu̱-kenga ming o̱o̱ye̱. Kar mului ci kazi anna arrak oowa ozozikan oroi kiwagon ture ci abuwe, a̱nne̱ka̱ ne, “I̱jja̱ ta̱dde̱na̱ ngatu, kar anna ki̱ye̱le̱i̱ kaal cik atin ogone vu̱rrta̱.”