O̱no̱zzo̱k 22:16 - Tennet

¹⁶ “Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 22:16 ပူးပေါင်းရင်းမြစ်များ

Ma̱te̱yo̱ 1:1

A̱kku̱ Ye̱su̱ Ki̱ri̱sto̱ ngerrti Da̱vi̱de̱ tatuge ciko alaan wa een zara Da̱vi̱de̱ ki ngerrti Aburahami, een necu lelet ci tatug cinne̱ng.

Ma̱te̱yo̱ 2:2

kar ki̱jji̱nne̱t ol azi ne, “Aave do̱le̱c wa bali a̱rri̱ta̱i̱ kar kize atin alaan ci Ya̱u̱do̱ ko̱ nga? Kicinnta munyunyoc cinne eci je̱e̱no̱, ka̱vvu̱nna̱ kar ki̱vi̱ta̱ ki̱di̱ngdi̱nga̱nta̱ nonno.”

Ma̱te̱yo̱ 22:42

“I̱no̱nnu̱ niga nya zo̱ze̱ ci Ki̱ri̱sto̱? Een enne ngerrti ngene?” Izettek zin nonno ne, “Een Ki̱ri̱sto̱ Ngerrti Da̱vi̱de̱!”

Ma̱te̱yo̱ 22:45

Ming awu Da̱vi̱de̱ nonno, ‘Manyi,’ okko wo̱ye̱ enne bo̱do̱k een ngerinne ku̱?”

Lu̱ka̱ 1:78

eci bunnati ki deten ci Ta̱mu̱ta̱dde̱n cinna, go̱o̱le̱ ci iyowane atin koor ngatinna ta̱mu̱-kenga,

Lu̱ka̱ 20:44

Awu Da̱vi̱de̱ nonno kize ‘Manyi.’ Okko bo̱do̱k enne een Ngerinne ku̱?”

Roma 15:12

Eher bo̱do̱k a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Isaya, azi ne, “Ingazi atin Egeroci ci e̱e̱t ci een Jesse, kar ki̱ki̱ya̱ kize alaan ci abal lo̱o̱cco̱k do̱o̱k; kar atin ol cik iróng een Ya̱u̱d do̱o̱k kartik zi̱nze̱tti̱ nonno.”

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

2 Peturu 1:19

Ka̱gga̱yya̱ zin naga e̱e̱ggi̱n zo̱zzo̱wa̱ balik u̱du̱kta̱ a̱ri̱tto̱wa̱ cik zoz ci Ta̱mu̱ta̱dde̱no̱ ko̱ do̱o̱k de̱de̱. Abunna zin ming aziknnu niga kaviyak cigge̱k, aanycik ka̱vvu̱to̱ zi̱nze̱tti̱nne̱ cuggo̱k ku̱tu̱gu̱ ki urezi ci ataran nginti mu̱hu̱ri̱ zee kiyowa munyunyoci ci een tukul maam.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 22:1

I̱ye̱le̱ya̱ zin anjilo liil wa a̱ri̱k maama cik rugeto cik caalek paz, a̱ri̱ya̱ lecere ci Ta̱mu̱ta̱dde̱no̱ ki ci Nyoono,

O̱no̱zzo̱k 22:11

Anyik e̱e̱t ci gon ogon kaal cik gerzek kemedak ku̱tu̱gu̱ kaal cik gerzek; ma e̱e̱ti̱ ci mu̱nye̱nu̱, anyik nonno kemedak mu̱nye̱n; anyik e̱e̱t ci ogon kaal cik abunna kemeda ku̱tu̱gu̱ kaal cik abunna; imma e̱e̱ti̱ ci a̱li̱le̱, anyik nonno kemeda kabak baiz ci a̱li̱le̱.”

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 22:6

A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”

O̱no̱zzo̱k 3:13

Ming anyak e̱e̱ti̱ imma iin ko̱, anyik kizik ju̱rru̱m zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.

O̱no̱zzo̱k 3:22

Ming anyak e̱e̱ti̱ imma iin ko̱, anyik kizik ju̱rru̱m zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.”

O̱no̱zzo̱k 3:6

Ming anyak e̱e̱ti̱ imma iin ko̱, anyik kizik ju̱rru̱m zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱.

O̱no̱zzo̱k 5:5

A̱nne̱ka̱ zin lo̱ddi̱ki̱ro̱ci̱ co̱de̱ lo̱ddi̱ki̱re̱i̱ ne̱ke̱ ne, “Jahe, ma a̱lu̱! Cin E̱e̱t ci akanonik zara cik een Maa ci Boor ci Ju̱da̱, biilet wa Da̱vi̱de̱ ming ommog kaal do̱o̱k. Uule enne kar ku̱du̱l mutula turgerem kar ku̱pu̱k waraga.”