O̱no̱zzo̱k 22:11 - Tennet

¹¹ Anyik e̱e̱t ci gon ogon kaal cik gerzek kemedak ku̱tu̱gu̱ kaal cik gerzek; ma e̱e̱ti̱ ci mu̱nye̱nu̱, anyik nonno kemedak mu̱nye̱n; anyik e̱e̱t ci ogon kaal cik abunna kemeda ku̱tu̱gu̱ kaal cik abunna; imma e̱e̱ti̱ ci a̱li̱le̱, anyik nonno kemeda kabak baiz ci a̱li̱le̱.”

O̱no̱zzo̱k 22:11 ပူးပေါင်းရင်းမြစ်များ

Ma̱te̱yo̱ 15:14

Utungtek nogo lo̱o̱c; ogon nege ki ol cik ru̱be̱ni̱k kar ku̱tu̱gu̱re̱t gonoggi cik ru̱be̱ni̱k bu̱k, i̱i̱na̱k atin nege do̱o̱k lowulang.”

Ma̱te̱yo̱ 21:19

Baling icin enne keet ci een munec aave gool abanyca, uk zin enne orong kar kicin ming anyak muneci neci o̱ya̱u̱ u̱gge̱ cik a̱bbi̱re̱, abarik amuda een varany do̱. Kar zin enne kizek keet neci ne, “Ma ngen okoli bo̱do̱k o̱ya̱u̱ u̱gge̱ dee!” Ataman niko odok keet neci kak.

Ma̱te̱yo̱ 25:10

“Imma baling ovvo nege uuta maal dukana, i̱ki̱ya̱ zin rucaiti. Oot zin dooli balik e̱re̱ye̱ nginati ke̱ i̱tto̱zzo̱ ki nonno ce̱e̱z ci a̱ru̱we̱ ol eezen. Kar zin tatug kunyuge.

Ma̱te̱yo̱ 5:45

kar izet dooli cik Be̱e̱ti̱nno̱ng wa aave ta̱mu̱-kenga. Anyike enne i̱i̱ kiyowa kar kataran ol wak abunna ki ol wak iróng a̱tu̱we̱, kar bo̱do̱k anyike ta̱mu̱ ol wak ogon kaal cik abunna ki cik ogon kaal cik gerzek.

Ma̱te̱yo̱ 5:6

U̱mu̱yu̱k Ta̱mu̱ta̱dde̱n ol wak a̱jji̱n zi̱nze̱tti̱ cigge̱k zoz ci Ta̱mu̱ta̱dde̱no̱ ki bunnat cinne, aruba atin zi̱nze̱tti̱ cigge̱k gi̱i̱ ci orong nege.

Kaviyak wak Abunna Ta̱mu̱ta̱dde̱no̱ eher Joni 8:21

Izek bo̱do̱k Ye̱su̱ nogo ne, “Kuwa anna, orongnyang atin, iróng amudannang, a̱da̱knnu̱ atin mu̱nye̱ne̱ cuggo̱k, imma nginti kokkoye anna, iróng niga a̱vvu̱nnu̱ rok.”

Evesos 5:27

Ogon Ki̱ri̱sto̱ zoz necu kar atin ki̱di̱ngdi̱nga̱ni̱t ke̱le̱ci̱a̱ ci a̱li̱le̱ ko̱, ki̱zzi̱ rok gi̱i̱ imma ci anganye ol nonno to.

Kolosiya 1:22

Ma̱i̱je̱ i̱yo̱ko̱, aganizung enne i̱ge̱ta̱ eliye ci Ngerinne Ki̱ri̱sto̱ bali a̱da̱i̱ keete ci een ta̱la̱ke̱c, kar enne ka̱a̱nyu̱ng izet ol cik abunna a̱li̱le̱ ngu̱me̱ cinne, iróng anyakku aruwa.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.

O̱no̱zzo̱k 16:21

Itazak zin ol teltelena cik a̱ddi̱ki̱re̱ i̱i̱na̱ ta̱mu̱-kenga, ming atiman ol e̱e̱ggi̱n coviyanya rama. Otorit zin nege Ta̱mu̱ta̱dde̱n zo̱ze̱ ci zeret ci a̱ju̱ka̱ teltelen ne̱ke̱, ma̱rri̱t zeret neci ming gerza oroot.

O̱no̱zzo̱k 22:3

I̱zzi̱ atin to̱ri̱ne̱t imma to o̱rge̱ neci udut. Aave leceri ci Ta̱mu̱ta̱dde̱no̱ ki ci Nyoono o̱rge̱ neci, kar du̱cca̱ha̱ ciginnek kalac nonno.