O̱no̱zzo̱k 22:10 - Tennet

¹⁰ A̱nne̱ka̱ zin enne annit ne, “Ma orodi zo̱zzo̱k cik i̱ye̱le̱ki̱ Vongizi ci Ta̱mu̱ta̱dde̱no̱ buwe cu, eci ize ojon i̱i̱te̱ni̱ kar kaala ne̱ko̱ ku̱tu̱gu̱zze̱.

O̱no̱zzo̱k 22:10 ပူးပေါင်းရင်းမြစ်များ

Ma̱te̱yo̱ 10:27

Ma̱i̱je̱ kaala wak ka̱du̱wa̱kku̱ng anna mu̱hu̱ra̱, u̱du̱kta̱k ol ngati voori. Imma zoz ci komomoti iziyyet iina cuggo̱k ju̱rru̱m, u̱du̱kta̱k ol do̱o̱k muluwe ci oroi.

Roma 13:11

U̱tu̱gu̱z kaal ne̱ko̱ do̱o̱k, a̱gga̱c i̱i̱te̱n necu ju̱rru̱m, eci i̱i̱te̱ni̱ necu ci kar ki̱ti̱ri̱ze̱t Ta̱mu̱ta̱dde̱n agita ize ojon oroot kommog i̱i̱te̱n bali ka̱tu̱we̱ naga Ye̱su̱ arrak oowa ke̱.

Roma 13:12

Ogon i̱i̱te̱ni̱ ci kabahe naga lo̱o̱ta̱ ngatu kiwagon ba̱a̱li̱ni̱ ci okko aliz looci ataman. Abunna kabiliz mu̱nye̱n cik ogon ol ba̱a̱l, kar ku̱tu̱gu̱z kaal cik abunna ogon ol waz.

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 1:3

A̱mu̱yu̱k atin Ta̱mu̱ta̱dde̱n e̱e̱t ci ikeb zoz ci Ta̱mu̱ta̱dde̱no̱ e̱he̱rye̱ buwe cu ko̱, a̱mu̱yu̱k atin bo̱do̱k Ta̱mu̱ta̱dde̱n ol cik aziye zoz necu kar zin kartik zi̱nze̱tti̱, ma̱rri̱t ize ojon wazini ci ovvo atin kaala ne̱ko̱ do̱o̱k ogone.

O̱no̱zzo̱k 10:4

Baling ovvo boroweta cik e̱e̱ggi̱n turgerem ko̱ ozoz, korongi zin anna kar keteher zoz cinne̱ng; abarik kiziya muluk ci a̱kku̱ ta̱mu̱-kenga ci a̱nne̱ka̱ ne, “Ma eheri zoz ci a̱du̱wa̱ boroweta cik e̱e̱ggi̱n turgerem ko̱, abarik lu̱gu̱ny zoz neci.”

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 22:18

Ka̱du̱wa̱kku̱ng zin anna Joni i̱ge̱ta̱ do̱o̱k ol wak aziye zoz ci i̱ye̱la̱ Vongizi ci Ta̱mu̱ta̱dde̱no̱ buwe cu: Ming otornik e̱e̱ti̱ imma gi̱i̱ imma buk ci Ta̱mu̱ta̱dde̱no̱ ko̱, otornik atin Ta̱mu̱ta̱dde̱n nonno zerenin cik e̱he̱rye̱ buwe cu ko̱.

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”

O̱no̱zzo̱k 5:1

Kicina a̱tte̱ ci a̱zzo̱ ngati E̱e̱t ci aave lecere ci alaano ko̱ waraga ci e̱he̱rye̱ abanyo do̱o̱k, anyume amadonik mutulaci lak turgerem.