O̱no̱zzo̱k 21:8 - Tennet

⁸ Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 21:8 ပူးပေါင်းရင်းမြစ်များ

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 25:25

Ko̱ngo̱o̱le̱ ba̱li̱ye̱ anna kar zin kadawek lo̱do̱ cunne een dhahab ko̱ lo̱o̱c. Cinno, icu lo̱do̱ cunne.’

Ma̱te̱yo̱ 8:26

O̱bo̱de̱k zin Ye̱su̱ nogo: “Niga ol cik anyakku tu̱we̱ne̱t cidici ko̱, o̱ngo̱o̱li̱nnu̱ niga nya?” Itinga zin enne je̱e̱na̱ kar kegerenyek ngoot ki maam cik apalpalane ko̱. Ibil zin ngooti neci kize nyatapari do̱o̱k lai.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

2 Te̱se̱lo̱ni̱ka̱ 2:9

A̱kku̱ atin e̱e̱ti̱ ci mu̱nye̱nu̱ ko̱ go̱o̱le̱ ci li̱ngli̱ngo̱n ci Sitano, i̱ye̱la̱i̱ kaale cik a̱vu̱la̱ iróng e̱e̱ggi̱n de̱de̱, ki baayen,

1 Ti̱mo̱te̱yo̱ 4:2

Edemez ol ne̱k volongak ol wak a̱tu̱we̱ zoz ci volongo a̱ru̱we̱ nege talaben, ki̱zzi̱ ngatinne̱ng rok a̱li̱ya̱n.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

1 Jon 2:22

Ming aave e̱e̱ti̱ ci een volongnyoit, een e̱e̱t ci azi ne iróng Ye̱su̱ een Ki̱ri̱sto̱. Een e̱e̱ti̱ necu mo̱dde̱ni̱t ci Ki̱ri̱sto̱ ci abure Baatinne ki Ngerinne.

1 Jon 3:15

Ming amarine e̱e̱ti̱ imma gotoni, een enne e̱e̱t ci a̱ru̱k ol, a̱gga̱yyu̱ niga iróng e̱e̱ti̱ ci a̱ru̱k ol ko̱ amuda baiz wa aave udut.

1 Jon 5:10

I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.

O̱no̱zzo̱k 14:10

okko atin enne bu̱k aud merte ci atin aanyik Ta̱mu̱ta̱dde̱n komoze. A̱ddu̱to̱ni̱k merte neci uduc cinne mozinto kibbit ṯoc. Apirna atin enne oroot gwo̱o̱ya̱ kicinnet anjilonya cik a̱li̱le̱ ki Nyoon.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:2

Ka̱gga̱ anna li̱ngli̱ngo̱n cunno̱ng ki nimenet no̱ngi̱tto̱n. Ka̱gga̱ iróng niga elemnyyu ol cik mu̱nye̱nu̱, itimanttu niga ol cik azi ne ke̱e̱ggi̱nna̱ to̱ni̱a̱k cik Ye̱su̱, iróng zin een de̱de̱, amuda e̱e̱ggi̱n nege volongnyok iróng e̱e̱ggi̱n to̱ni̱a̱k cigannik.

O̱no̱zzo̱k 21:27

I̱llo̱i̱ atin gi̱i̱ imma ci anyak mu̱nye̱n kar ki̱tto̱ ngin neci, icima i̱i̱zo̱ e̱e̱ti̱ imma ci ogon kaal cik gerzek, abarik i̱i̱zo̱ ol cik e̱he̱rye̱ zara cigge̱k buwe ci Nyoono rugeto do̱ niko cik aavtte o̱rge̱ neci.

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.

O̱no̱zzo̱k 9:17

Kicina o̱no̱zo̱we̱ vartange ki ol cik ottod nogo ko̱ ming anyak kaal ciko: Anyak gi̱i̱ ci aim nege zi̱nze̱tti̱nne̱ ko̱ guulnya ciko, ma̱ri̱k kiwagon gwa̱a̱, culak ki ci gi̱da̱ng kar bo̱do̱k kize maan kiwagon bu̱rru̱co̱c ecito. Ovvo o̱o̱tti̱ cik vartangenu atubo ki o̱o̱tti̱ cik maattu, ovvo u̱tu̱ge̱tti̱ne̱ cigge̱k iyowa gwa̱a̱ ki bbu̱rre̱t ki bbu̱u̱r.

O̱no̱zzo̱k 9:21

Iróng zin nege aara mu̱nye̱n cik amunye nege ol, ki cik adimane nege kaal cik ngaretu, a̱li̱ya̱kze̱ti̱nu̱ ki cik ogorak.