O̱no̱zzo̱k 21:7 - Tennet

⁷ Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.

O̱no̱zzo̱k 21:7 ပူးပေါင်းရင်းမြစ်များ

Kananet 17:8

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Ma̱te̱yo̱ 19:29

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Ma̱te̱yo̱ 25:21

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Marko 10:17

Baling akate Ye̱su̱ we̱t, i̱vi̱ra̱k e̱e̱ti̱ imma nonno kar kakatek u̱zu̱ngti̱nne̱, kar zin ki̱jji̱no̱, ize ne, “De̱me̱zo̱i̱t ci abunna, ku̱tu̱gu̱ nya kar kumuda baiz ci aave udut?”

Roma 8:14

Imma ol ne̱k aanyik Vongiz ci Ta̱mu̱ta̱dde̱no̱ kabal nogo ko̱, e̱e̱ggi̱n nege dooli cik Ta̱mu̱ta̱dde̱no̱.

Roma 8:19

Ma kaala cik eenyca Ta̱mu̱ta̱dde̱n lo̱o̱ta̱ ngatu ko̱ do̱o̱k, e̱re̱ye̱ talninta, orong nege i̱i̱te̱n ci atin okko Ta̱mu̱ta̱dde̱n i̱ye̱le̱k ciko ngene cik e̱e̱ggi̱n nege dooli ciginnek.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

I̱bu̱ru̱ 8:10

Een necu olom ci een jor kogonni atin anna kadimani atin ki ce̱e̱z ci Israilo, i̱i̱te̱n neci, u̱du̱wa̱ Manyi, karike atin anna ti̱lo̱wi̱ne̱t cinanni o̱o̱tti̱ cigge̱k, kar keteherik zi̱nze̱tti̱nne̱ cigge̱k. Ke̱e̱ni̱ atin anna Ta̱mu̱ta̱dde̱n cinne̱ng, ovvo nege e̱e̱ggi̱n ol cigannik.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:25

U̱zu̱tte̱ gool ci abunna ko̱ zee ki̱ki̱ya̱ anna.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 21:3

Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.