O̱no̱zzo̱k 21:3 - Tennet

³ Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.

O̱no̱zzo̱k 21:3 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 14:23

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

1 Te̱se̱lo̱ni̱ka̱ 3:11

Kala Ta̱mu̱ta̱dde̱n wa een Be̱e̱ti̱nna̱ ele ki Manyi Ye̱su̱ kidiman gool kubunna kar naga ki̱vi̱ta̱ ki̱vo̱nttu̱ng.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 8:10

Een necu olom ci een jor kogonni atin anna kadimani atin ki ce̱e̱z ci Israilo, i̱i̱te̱n neci, u̱du̱wa̱ Manyi, karike atin anna ti̱lo̱wi̱ne̱t cinanni o̱o̱tti̱ cigge̱k, kar keteherik zi̱nze̱tti̱nne̱ cigge̱k. Ke̱e̱ni̱ atin anna Ta̱mu̱ta̱dde̱n cinne̱ng, ovvo nege e̱e̱ggi̱n ol cigannik.

I̱bu̱ru̱ 8:2

a̱li̱ngli̱ng enne Ce̱e̱ze̱ wa Ta̱mu̱ta̱dde̱no̱ de̱de̱, eenyca Manyi Ta̱mu̱ta̱dde̱n iróng een e̱e̱t ci diiri.

O̱no̱zzo̱k 10:4

Baling ovvo boroweta cik e̱e̱ggi̱n turgerem ko̱ ozoz, korongi zin anna kar keteher zoz cinne̱ng; abarik kiziya muluk ci a̱kku̱ ta̱mu̱-kenga ci a̱nne̱ka̱ ne, “Ma eheri zoz ci a̱du̱wa̱ boroweta cik e̱e̱ggi̱n turgerem ko̱, abarik lu̱gu̱ny zoz neci.”

O̱no̱zzo̱k 10:8

Kar zin mului ci kiziya ozozikan ta̱mu̱-kenga ko̱ kozoziyan bo̱do̱k, a̱nne̱ka̱ ne, “Bito, dima waraga ci o̱o̱ye̱ a̱tte̱ ci anjilo ci abile zoci co̱de̱ nyatapare ci a̱ddi̱ki̱re̱ kar co̱de̱ lo̱o̱ta̱.”

O̱no̱zzo̱k 12:10

Kar zin anna kizik muluk ci a̱ppwe̱ ta̱mu̱-kenga, azi ne, “I̱yo̱ko̱ i̱ki̱ya̱ ti̱ri̱ze̱ne̱t ki doiz ki ba̱a̱li̱ne̱t ci Ta̱mu̱ta̱dde̱no̱, ki alaanzet ci Ki̱ri̱sto̱ cinne. Eci e̱e̱ti̱ ci ovolonge ol wak a̱tu̱we̱, ci gon ovolonge nogo ngati Ta̱mu̱ta̱dde̱no̱ ba̱a̱li̱n ki wazin ko̱, u̱ju̱ko̱zi̱k lo̱o̱c.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.

O̱no̱zzo̱k 22:3

I̱zzi̱ atin to̱ri̱ne̱t imma to o̱rge̱ neci udut. Aave leceri ci Ta̱mu̱ta̱dde̱no̱ ki ci Nyoono o̱rge̱ neci, kar du̱cca̱ha̱ ciginnek kalac nonno.

O̱no̱zzo̱k 7:15

I̱yo̱ko̱ zin, “Aavtte nege oowa lecere ci Ta̱mu̱ta̱dde̱no̱ a̱li̱ngli̱nge̱k nege nonno tu̱p kaal Ce̱e̱ze̱ cinne; kar enne ka̱vvu̱ lecere cinne kar kaarik nogo Ce̱e̱z cinne bu̱k.