O̱no̱zzo̱k 21:2 - Tennet

² Kedenya orog ci A̱li̱le̱, een Jerusalem ci een jor, iyowa ta̱mu̱-kenga ngati Ta̱mu̱ta̱dde̱no̱, kar zin kidiman ele ogon ki nyatirani ci aime ki̱zi̱zi̱ kicin mac cinne.

O̱no̱zzo̱k 21:2 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 3:29

Een rucaiti manyi ngaa, ovvo gonoggja wak abile rucenta kar kiziyet zoz, atali ming aziye muluk ci e̱e̱t ci aruce ko̱; gi̱i̱ ci aanya katal oroot ko̱ nenen.

2 Ko̱ri̱nto̱ 11:2

Kazunnung anna i̱ge̱t kiwagon Ta̱mu̱ta̱dde̱n ming azunnung i̱ge̱t ko̱. U̱tu̱gu̱zzu̱ niga kiwagon do̱le̱c ci nga̱a̱ye̱ ngen ka̱ta̱gu̱zzo̱ ki mac cinne. Ku̱du̱wa̱u̱ng anna i̱ge̱t kar urumtte ki Ye̱su̱ Ki̱ri̱sto̱.

I̱bu̱ru̱ 11:10

Imma Aburahami bo̱do̱k ere orog ci riili eenyet Ta̱mu̱ta̱dde̱n.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 13:14

Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 11:2

Ma i̱ya̱bi̱ a̱lu̱wa̱ ci Ce̱e̱z wa Ta̱mu̱ta̱dde̱no̱ eci re̱e̱nu̱no̱, eci anyozik o̱to̱ni̱ neci ol wak iróng e̱e̱ggi̱n Ya̱u̱d. U̱la̱l atin nege Jerusalem ci a̱li̱le̱ ngati abale orog neci nyelowi moten we̱c ki rama.

O̱no̱zzo̱k 21:10

Kar zin enne kodonga annit Vongize ci Ta̱mu̱ta̱dde̱no̱ o̱no̱zo̱we̱ okkoyya biye ci a̱ddi̱ki̱re̱ wu̱u̱ni̱ oroot, kar ki̱ye̱le̱ya̱ orog ci A̱li̱le̱, wa een Jerusalem, a̱kku̱ ta̱mu̱-kenga ngati Ta̱mu̱ta̱dde̱no̱ alucak lo̱o̱c.

O̱no̱zzo̱k 21:9

I̱ki̱ya̱ zin annit anjilo co̱de̱ anjilonyai cik e̱e̱ggi̱n turgerem ko̱, balik anyak uduce turgerem abbize zerenina kar kize ne, “I̱jja̱, ki̱ye̱le̱ki̱ atin nyatiran, ngaa ci Nyoono.”

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.

O̱no̱zzo̱k 22:19

Ming aara e̱e̱ti̱ imma zoz imma buwe ci i̱ye̱le̱ka̱ Vongizi ci Ta̱mu̱ta̱dde̱no̱ ko̱, engera atin Ta̱mu̱ta̱dde̱n taban cinne keete ci rugeto ki o̱rge̱ ci a̱ddi̱ki̱re̱ a̱li̱le̱, cik e̱he̱rye̱ buwe cu ko̱.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.