O̱no̱zzo̱k 20:8 - Tennet

⁸ Kar atin enne kuk ku̱lu̱t olli lo̱o̱tu̱, vatanine: i̱do̱, i̱do̱li̱ya̱, je̱e̱n, ki nyege cik lo̱o̱tu̱ e̱e̱ggi̱n we̱c. Okko alaba ciko Gog ki Magog kar kuwe illawa. E̱e̱ggi̱n nege koole ci atubo ki azac ti̱ti̱me̱ ci liil ci a̱ddi̱ki̱re̱.

O̱no̱zzo̱k 20:8 ပူးပေါင်းရင်းမြစ်များ

I̱bu̱ru̱ 11:12

Anyat ba̱li̱ye̱ Aburahami oroot, ma baling anyat enne nu̱nu̱n, i̱ti̱rra̱ zin do̱le̱c ci okko a̱rri̱ta̱ ol cik lo̱o̱tu̱ do̱o̱k. Ovvo atin dooli ciginnek meele ne giir kommogit munyuny cik ta̱mu̱-kengo, iróng wo̱ye̱ a̱gi̱le̱ ogon ki azac ci moru.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 20:3

U̱ju̱ke̱k zin anjilo nonno lo̱o̱k neci wu̱u̱ni̱ ke̱, kar zin kunyug utug ci lo̱o̱k neci joorone, kar zin iróng Sitani bo̱do̱k a̱lu̱t olli lo̱o̱tu̱ zee kedeccai e̱rki̱to̱wa̱ i̱bbo̱ng co̱de̱. Baling utubte e̱rki̱to̱wa̱ ne̱ke̱, kar zin atin koogjai koto arrak do̱yo̱i̱t.

O̱no̱zzo̱k 7:1

Imma bali vu̱rrta̱ kicina anna Joni anjilonya we̱c cik abile o̱to̱ cik lo̱o̱tu̱ e̱e̱ggi̱n we̱c ko̱, alam ngoot ci lo̱o̱tu̱ kar iróng ngooti a̱ti̱k lo̱o̱c, icima nyatapar ci a̱ddi̱ki̱re̱ icima keet imma.