O̱no̱zzo̱k 20:6 - Tennet

⁶ A̱mu̱yu̱k atin Ta̱mu̱ta̱dde̱n ol ciginnek a̱li̱le̱, ingazi daize ci o̱o̱wu̱. Okko daizi ci een vu̱rru̱t ko̱ iróng anyak komiz ngatinne̱ng, abarik ovvo atin nege e̱e̱ggi̱n olli wawaco Ta̱mu̱ta̱dde̱no̱ ki Ki̱ri̱sto̱ kar atin kabalit ki nonno lo̱o̱c e̱rki̱nya̱ i̱bbo̱ng co̱de̱ (1,000).

O̱no̱zzo̱k 20:6 ပူးပေါင်းရင်းမြစ်များ

Lu̱ka̱ 14:15

Baling izik e̱e̱ti̱ bali adakce ki Ye̱su̱ nga̱to̱de̱ ke̱ zoz neci, izek zin enne Ye̱su̱ ne, “A̱mu̱yu̱k atin Ta̱mu̱ta̱dde̱n e̱e̱t ci atin adak kwo̱o̱r ba̱a̱li̱nte̱ ci Ta̱mu̱ta̱dde̱no̱.”

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

O̱no̱zzo̱k 1:6

kar kaanyyet kizet alaat ki olli wawaco abunna ka̱li̱ngli̱nge̱k Ta̱mu̱ta̱dde̱n Baatinne. Anyak Ye̱su̱ Ki̱ri̱sto̱ di̱ngdi̱ngo̱n ki doiz ci aave udut! Amen.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 20:14

Kar zin daizi ki nginti daizo ku̱ju̱kto̱zi̱k koot gwo̱o̱ye̱ ci apadpadi oroot. Een gwa̱a̱ neci ci apadpadi udut ke̱, daiz ci vu̱rrto̱.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:5

I̱zzi̱ atin rok ba̱a̱li̱n to, iróng atin nege bo̱do̱k orong urez ci atukule icima koor, eci Manyi Ta̱mu̱ta̱dde̱n ci een tukulec. Abal atin nege lo̱o̱c udut.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.

O̱no̱zzo̱k 5:10

Idimanu i̱nna̱ nogo kanyait alaanzet ki olli wawaco cik a̱li̱ngli̱nge̱k Ta̱mu̱ta̱dde̱n, kar zin kabalit ol lo̱o̱ta̱ ngatu.”