O̱no̱zzo̱k 20:3 - Tennet

³ U̱ju̱ke̱k zin anjilo nonno lo̱o̱k neci wu̱u̱ni̱ ke̱, kar zin kunyug utug ci lo̱o̱k neci joorone, kar zin iróng Sitani bo̱do̱k a̱lu̱t olli lo̱o̱tu̱ zee kedeccai e̱rki̱to̱wa̱ i̱bbo̱ng co̱de̱. Baling utubte e̱rki̱to̱wa̱ ne̱ke̱, kar zin atin koogjai koto arrak do̱yo̱i̱t.

O̱no̱zzo̱k 20:3 ပူးပေါင်းရင်းမြစ်များ

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 27:66

Kar koot kidimanit ilomi necu ju̱rru̱m, a̱di̱l nege kar kutungttek ol kebeit.

Marko 4:15

Ogon ol uggak ki i̱yo̱ko̱ i̱nyo̱mo̱na̱ cik i̱i̱na̱k gool ko̱, nginti arirene zoz. Ming aziye nege ataman niko, a̱kku̱ Sitani okko irana zoz ci arire zi̱nze̱tti̱nne̱ cigge̱k ko̱.

Lu̱ka̱ 8:31

Ilalttek zin kuulo ne̱ke̱ Ye̱su̱ gerza ming ottok nogo koot lo̱o̱wa̱.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

2 Peturu 3:8

Gotonogga ki ngonogga tu̱we̱nta̱, ma anyikku gi̱i̱ co̱de̱ kereheung, ogon i̱i̱te̱ni̱ co̱de̱ ngati Manyi ki e̱rki̱nya̱ i̱bbo̱ng co̱de̱ (1,000), ovvo e̱rki̱nya̱ cik een i̱bbo̱ng co̱de̱ ogon ki i̱i̱te̱ni̱ co̱de̱.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 17:2

A̱ta̱gu̱zzo̱ alaata cik lo̱o̱tu̱ ko̱ do̱o̱k ki ngaa neci, ovvo olli lo̱o̱tu̱ do̱o̱k ibbakce zo̱ze̱ ci a̱li̱ya̱kze̱t cinne ko̱.”

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 20:1

Kicina anjilo ci Ta̱mu̱ta̱dde̱no̱ ming aluccai ta̱mu̱-kenga. Anyak jooro cik oowe enne lo̱o̱k neci wu̱u̱ni̱ ke̱ kar zin kanyak a̱tta̱ diditac ci a̱ddi̱ki̱re̱.