O̱no̱zzo̱k 20:1 - Tennet

¹ Kicina anjilo ci Ta̱mu̱ta̱dde̱no̱ ming aluccai ta̱mu̱-kenga. Anyak jooro cik oowe enne lo̱o̱k neci wu̱u̱ni̱ ke̱ kar zin kanyak a̱tta̱ diditac ci a̱ddi̱ki̱re̱.

O̱no̱zzo̱k 20:1 ပူးပေါင်းရင်းမြစ်များ

Lu̱ka̱ 8:31

Ilalttek zin kuulo ne̱ke̱ Ye̱su̱ gerza ming ottok nogo koot lo̱o̱wa̱.

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.

Ju̱da̱ 1:6

Imma anjilonya wak iróng azunne alaanzet cinne̱ng, abarik utungtek ce̱e̱zi̱ cigge̱k lo̱o̱c ta̱mu̱-kenga ngin bali abahe ke̱. I̱yo̱ko̱ zin e̱ce̱bje̱ nege ziiye cik aavtte udut, ere i̱i̱te̱n ci a̱ddi̱ki̱re̱ lo̱ki̱ko̱.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 10:1

Kicina zin bo̱do̱k anjilo imma ci okkomi a̱kku̱ ta̱mu̱-kenga a̱kku̱nna̱k lo̱o̱c. A̱bu̱ng di̱i̱z ele cinne do̱o̱k ki mauli ci aave oowe cinne ta̱dde̱na̱, ogon ngu̱m cinne kiwagon i̱i̱, ovvo zoona alanyit kiwagon a̱ha̱tti̱ cik gwo̱o̱ya̱k.

O̱no̱zzo̱k 18:1

Imma bali vu̱rrta̱ kicina anjilo imma ming a̱kku̱ ta̱mu̱-kenga. Anyak enne doiz ci a̱ddi̱ki̱re̱, kar zin looci katarane di̱ngdi̱ngo̱ne̱ cinne.

O̱no̱zzo̱k 20:3

U̱ju̱ke̱k zin anjilo nonno lo̱o̱k neci wu̱u̱ni̱ ke̱, kar zin kunyug utug ci lo̱o̱k neci joorone, kar zin iróng Sitani bo̱do̱k a̱lu̱t olli lo̱o̱tu̱ zee kedeccai e̱rki̱to̱wa̱ i̱bbo̱ng co̱de̱. Baling utubte e̱rki̱to̱wa̱ ne̱ke̱, kar zin atin koogjai koto arrak do̱yo̱i̱t.