O̱no̱zzo̱k 2:7 - Tennet

⁷ Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 2:7 ပူးပေါင်းရင်းမြစ်များ

Kananet 2:9

Kar zin Manyi Ta̱mu̱ta̱dde̱n kaanyik keen balik meelek arir enne ke̱ ki̱bbi̱re̱to̱ nginati, keen cik abunna e̱e̱ggi̱n da̱i̱ne̱t. Imma orgene ci ma̱nu̱, anyak keet ci aanyik ol ruget. Kar bo̱do̱k anyak keet ci aanyik ol ka̱gga̱c zoz ci abunna ki ci gerze. Arike zin Ta̱mu̱ta̱dde̱n e̱e̱t bali eenyca enne ke̱ ngineci.

Ma̱te̱yo̱ 11:15

Imma e̱e̱ti̱ ci anyak iin, anyik nonno kiziyo ju̱rru̱m.

Ma̱te̱yo̱ 13:43

Ma̱i̱je̱ zin ol wak ogon kaal wak abunna, ataltali e̱le̱tti̱ kiwagon koor ba̱a̱li̱nte̱ ci Be̱e̱ti̱nne̱ng. Ming anyak e̱e̱ti̱ iin, anyik kiziyo ju̱rru̱m.

Ma̱te̱yo̱ 13:9

Ming anyak e̱e̱ti̱ imma iin, anyik nonno kizio.”

Marko 4:9

Kar zin Ye̱su̱ kize ne, “Anyik e̱e̱t imma ci anyak iin cik aziknene, anyik kiziyo.”

Marko 7:15

I̱llo̱i̱ gi̱i̱ imma ci adak e̱e̱ti̱ ci diiri kar kongoronyan nonno. Abarik gi̱i̱ ci iyowa e̱e̱te̱ ci diiri ci anyike nonno kize ngoronya.”

Lu̱ka̱ 23:43

Abarizek zin Ye̱su̱ nonno, “Ka̱du̱wa̱ki̱ anna i̱nne̱t zoz ci een de̱de̱, wazin necu eliya, kaavtte anna ki i̱nne̱ta̱ ta̱mu̱-kenga.”

Lu̱ka̱ 8:8

Itazak bo̱do̱k i̱nyo̱mo̱na̱ uggak nginti een to̱ri̱cto̱. Itingazzo i̱nyo̱mo̱na̱ ne̱ko̱ ki̱bbi̱re̱to̱ ju̱rru̱m kommogit balik arir nege ke̱.” Baling u̱du̱wa̱ enne tubzenet necu, kar kize ne, “Ming anyak e̱e̱ti̱ iin cik aziknene, anyik nonno kiziyo.”

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

2 Ko̱ri̱nto̱ 12:4

Uwe zin ba̱li̱ye̱ nonno Ta̱mu̱ta̱dde̱n rok ma̱na̱ wa aave ta̱mu̱-kenga orgena, nginti acine enne kaal cik a̱zi̱ze̱ iróng wo̱ye̱ e̱e̱ti̱ ci diiri ikebi.

1 Jon 2:13

Niga be̱e̱ti̱ga̱ni̱k, keherakkung anna i̱ge̱t zoz cu, eci niga a̱gga̱yyu̱ nonno ci bali aave kanante ci lo̱o̱tu̱ ki ci ta̱mu̱-kengo. Niga logoz, keherakkung anna i̱ge̱t zoz cu, eci ommogtu niga lo̱rye̱ni̱t. Niga dooli, keherakkung anna i̱ge̱t zoz cu, eci niga a̱gga̱yyu̱ Ta̱mu̱ta̱dde̱n Baba.

O̱no̱zzo̱k 13:9

Ming anyak e̱e̱ti̱ imma iin ko̱, anyik nonno kiziyo.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 15:2

Kicina bo̱do̱k gilac ci ogon ki nyatapari ci a̱ddi̱ki̱re̱ ci ongotane ki gwo̱o̱. Imma ol ne̱k abile abanyce ci nyatapar ci a̱ddi̱ki̱re̱ ko̱, e̱e̱ggi̱n ne̱ko̱ ol balik ommog e̱le̱gi̱t ki ri̱ri̱to̱n cinne ki nimira ci e̱le̱gto̱. Anyak nege lokombet cik aanyik nogo Ta̱mu̱ta̱dde̱n,

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.

O̱no̱zzo̱k 22:14

“A̱ma̱yu̱kte̱ ol wak uuny ru̱u̱ma̱ni̱ cigge̱k, agano atin nege ki keet ci rugeto kar ki̱tto̱zzo̱ arana koot o̱rge̱ ci a̱ddi̱ki̱re̱ ecito.

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.

O̱no̱zzo̱k 22:2

okko orgene ci gool ci o̱rgu̱ a̱ddi̱ki̱re̱. Imma ti̱ti̱mo̱i̱ cik liil neci, anyak keet ci rugeto, a̱bbi̱rna̱ keet neci o̱ya̱u̱ lak omoto ki rama e̱rki̱ta̱, a̱a̱ri̱ nyelowi do̱o̱k. Ovvo varanya cik keet neci e̱e̱ggi̱n cik angaru ol lo̱o̱ta̱ do̱o̱k.