O̱no̱zzo̱k 2:26 - Tennet

²⁶ Imma e̱e̱ti̱ ci anime no̱ngi̱tto̱n kar ku̱tu̱gu̱ zoz cinanni udut, kanyike atin anna nonno doiz ci abale lo̱o̱cco̱k do̱o̱k.

O̱no̱zzo̱k 2:26 ပူးပေါင်းရင်းမြစ်များ

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Ma̱te̱yo̱ 24:13

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Kaviyak wak Abunna Ta̱mu̱ta̱dde̱no̱ eher Joni 6:29

O̱bo̱de̱k Ye̱su̱ nogo, a̱nne̱k ne, “Li̱ngli̱ngo̱n ci Ta̱mu̱ta̱dde̱no̱ icu: Abunna ming a̱tu̱we̱nu̱ ngati e̱e̱t bali o̱de̱ i̱tto̱na̱i̱ ke̱.”

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 8:37

Ming kabak naga no̱ngi̱tto̱ne̱ nu̱nu̱n, kommog naga kaal do̱o̱k doize ci Ki̱ri̱sto̱ wa irezet ko̱.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

Je̱mi̱s 2:20

Imma i̱nna̱ e̱e̱ti̱ ci tarbali ko̱, orongi i̱nna̱ cin ming een tu̱we̱ne̱t ci i̱llo̱i̱ bunnat ki i̱rrke̱ne̱t, een gi̱i̱tareng?

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 5:5

I̱llo̱i̱ e̱e̱t imma ci wo̱ye̱ ommog kaal cik gerzek lo̱o̱tu̱ ming iróng enne anyak tu̱we̱ne̱t ci a̱tu̱we̱ enne Ye̱su̱ ci een Ngerrti Ta̱mu̱ta̱dde̱no̱.

O̱no̱zzo̱k 2:11

Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.

O̱no̱zzo̱k 22:5

I̱zzi̱ atin rok ba̱a̱li̱n to, iróng atin nege bo̱do̱k orong urez ci atukule icima koor, eci Manyi Ta̱mu̱ta̱dde̱n ci een tukulec. Abal atin nege lo̱o̱c udut.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.

O̱no̱zzo̱k 3:5

Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.