O̱no̱zzo̱k 2:10 - Tennet

¹⁰ Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 2:10 ပူးပေါင်းရင်းမြစ်များ

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 24:13

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Marko 13:13

Amarinnung atin ol do̱o̱k zo̱ze̱ cinanni, imma e̱e̱ti̱ ci abile kokkom, amuda atin ti̱ri̱ze̱ne̱t ci Ta̱mu̱ta̱dde̱no̱.

Marko 8:35

Ming orong e̱e̱ti̱ imma ki̱ti̱ri̱z baiz cinne, okoloz atin, ma̱i̱je̱ e̱e̱ti̱ ci okoloz baiz cinne zo̱ze̱ cinanni ki kaviyak cik abunna, azunne atin.

Lu̱ka̱ 21:12

“Ma̱i̱je̱ ming ngen kaala ne̱ko̱ ka̱ka̱tte̱, a̱gga̱mnyu̱ng ol azzine kar ki̱gi̱ddu̱ng. Ovvoyyung lo̱ki̱ka̱ kar ku̱ju̱kte̱u̱ng lagam, ovvoyyung alaate Ce̱e̱zi̱nne̱ wak Lawinto zo̱ze̱ cinanni.

Kaviyak wak Abunna Ta̱mu̱ta̱dde̱no̱ eher Joni 12:25

Imma e̱e̱ti̱ ci irez ruget cinne okoloz atin, ma̱i̱je̱ e̱e̱ti̱ ci aarnek ruget cinne lo̱o̱ta̱ ngatu, aruge atin udut.

Kaviyak wak Abunna Ta̱mu̱ta̱dde̱no̱ eher Joni 13:2

Baling anyaktta ol da̱i̱ne̱t cik adak ol yo̱mo̱na̱, i̱tto̱ da̱ lo̱rye̱nti̱ zinin ci Judas Iskariyot wa een ngerrti Si̱mo̱ne̱ ci atin okko adawa Ye̱su̱.

Kaviyak wak Abunna Ta̱mu̱ta̱dde̱no̱ eher Joni 13:27

Baling a̱gga̱ma̱ Judasi á̱há̱t ngati Ye̱su̱, i̱tto̱ zin Sitani nonno. Izek zin Ye̱su̱ nonno ne, “Tu̱gu̱ zoz ci okko i̱nna̱ ogoni ko̱ ataman.”

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:2

Okko e̱le̱gi̱ti̱ ci kicina anna ko̱ atubo ki keelang, ma̱i̱je̱ ngatu anyak zo̱o̱ ki e̱le̱gi̱ti̱ ci ogon ki nyaangu, imma utugi cinne ogon ki ci maawo. Aanyik zin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ ko̱ e̱le̱gi̱t neci doiz cinne ki lecer cinne ki alaanzet ci a̱ddi̱ki̱re̱.

O̱no̱zzo̱k 13:7

Anyozik nonno doizi ci kar koore ol cik Ta̱mu̱ta̱dde̱no̱ a̱li̱le̱, kar ka̱gga̱m nogo. Anyozik nonno komizi ci abale ol cik lo̱o̱tu̱ do̱o̱k ki wak anyak u̱tu̱ge̱tti̱ cik aavtte do̱ do̱.

O̱no̱zzo̱k 17:14

Anyaha atin nege illa ci oore Nyoon, ma̱i̱je̱ atin Nyoon ommog nogo ma̱rri̱t enne een Manyi ci ma̱ci̱gi̱nnu̱ ki Alaan ci alaatu veelek. Ovvo ol wak annu nonno ko̱ atahaltai kar ku̱zu̱tte̱ zoz cinne.”

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.