O̱no̱zzo̱k 19:9 - Tennet

⁹ A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”

O̱no̱zzo̱k 19:9 ပူးပေါင်းရင်းမြစ်များ

Lu̱ka̱ 22:16

Eci ka̱du̱wa̱kku̱ng i̱ge̱ta̱, iróng atin anna kadai da̱i̱ne̱t bo̱do̱k zee kakat zoz ci ba̱a̱li̱ne̱t ci Ta̱mu̱ta̱dde̱no̱ mo̱o̱le̱t.”

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

1 Ti̱mo̱te̱yo̱ 4:9

Een zoz ci ku̱du̱wa̱ ko̱ de̱de̱, a̱gga̱mtta̱ zi̱nze̱tti̱nne̱ ju̱rru̱m.

2 Ti̱mo̱te̱yo̱ 2:11

De̱mzi̱ne̱t wa een de̱de̱ icu, “Ming ka̱da̱i̱ naga ngati kazunne zoz ci Ye̱su̱, karuge atin ki nonno bu̱k.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:19

“Teher zin i̱yo̱ko̱ kaal cik icinnu i̱nna̱ ki kaal cik ogone i̱yo̱ko̱ niko, ki kaal cik atin ovvo ogone.

O̱no̱zzo̱k 10:4

Baling ovvo boroweta cik e̱e̱ggi̱n turgerem ko̱ ozoz, korongi zin anna kar keteher zoz cinne̱ng; abarik kiziya muluk ci a̱kku̱ ta̱mu̱-kenga ci a̱nne̱ka̱ ne, “Ma eheri zoz ci a̱du̱wa̱ boroweta cik e̱e̱ggi̱n turgerem ko̱, abarik lu̱gu̱ny zoz neci.”

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 17:1

I̱ki̱ya̱ zin annit anjilo co̱de̱ anjilonyai ne̱k e̱e̱ggi̱n turgerem anyak uduce turgerem ke̱, kar zin kize ne, “I̱jja̱ kar ki̱ye̱le̱i̱ de̱zi̱ne̱t ci okko Ta̱mu̱ta̱dde̱n edeze ngaa ci een a̱li̱ya̱i̱t ommog veelek, nonno ci aave maame cik meelek.

O̱no̱zzo̱k 17:17

Eci Ta̱mu̱ta̱dde̱n aarik zi̱nze̱tti̱ cigge̱k abunna edecak li̱ngli̱ngo̱n cinne ngati anyike e̱le̱gi̱t komiz kar kabal lo̱o̱c, zee kakat zoz ci Ta̱mu̱ta̱dde̱no̱ mo̱o̱le̱t.

O̱no̱zzo̱k 2:1

Azi Manyi Ye̱su̱ Ki̱ri̱sto̱ ne, “Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Ephesus waraga cu: Een zoz icu ci e̱e̱t ci a̱gga̱m munyuny wak e̱e̱ggi̱n turgerem ko̱ a̱tte̱ ci a̱zzo̱, kar zin koto orgene ci kaal cik abilne tukulena ko̱.

O̱no̱zzo̱k 2:12

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Pergamum waraga cu: Een necu zoz ci a̱kku̱ ngati e̱e̱t ci anyak nya̱tu̱ba̱t ci lehedi oroot! Iziyyet zoz ci ka̱du̱wa̱ anna ko̱.

O̱no̱zzo̱k 2:18

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Thyatira waraga cu: E̱e̱ggi̱n ne̱ko̱ zo̱zzo̱k cik Ngerrti Ta̱mu̱ta̱dde̱no̱ wagon ogon ebere ciginnek kiwagon gwa̱a̱ ci alanyit ko̱, ovvo zoona ogon ki zu̱rte̱ne̱n wak gon apucan ol zee kataltalit.

O̱no̱zzo̱k 2:8

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Smyrna waraga cu: A̱vvu̱ zo̱zzo̱wa̱ ne̱ke̱ ngati e̱e̱t ci een Oo ki Vu̱rru̱t, bali a̱da̱k kar ki̱ki̱ya̱ kurug bo̱do̱k dee.

O̱no̱zzo̱k 21:5

Kar E̱e̱ti̱ bali aave lecera ke̱ kize ne, “Kogonni anna kaal do̱o̱k kizeto cik adimanai jor!” Kar zin enne bo̱do̱k kize ne, “Teherik zoz necu lo̱o̱c, eci zo̱zzo̱wa̱ e̱e̱ggi̱n de̱de̱ agano ki tu̱we̱ne̱t.”

O̱no̱zzo̱k 22:6

A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”

O̱no̱zzo̱k 3:1

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Sardis waraga cu: E̱e̱ggi̱n ne̱ko̱ zo̱zzo̱k cik E̱e̱t ci anyak vongizzok cik e̱e̱ggi̱n turgerem Ta̱mu̱ta̱dde̱no̱ ki munyuny cik e̱e̱ggi̱n turgerem. Ka̱gga̱ anna li̱ngli̱ngo̱n cunno̱ng. I̱no̱nnu̱ niga a̱nnu̱ ne arugnu, abarik a̱da̱kttu̱.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.