O̱no̱zzo̱k 19:7 - Tennet

⁷ Katalto zin naga kar kanycik Ta̱mu̱ta̱dde̱n zany kar kanycik nonno ki̱di̱ngdi̱ng! Eci i̱ki̱ya̱ i̱i̱te̱ni̱ ci okko Nyoon arucene, kar nyatirani cinne kidiman ele ju̱rru̱m.

O̱no̱zzo̱k 19:7 ပူးပေါင်းရင်းမြစ်များ

Ma̱te̱yo̱ 1:20

Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.

Ma̱te̱yo̱ 22:2

“Ogon ba̱a̱li̱ne̱t ci ta̱mu̱-kengo ki alaani ci adiman da̱i̱ne̱t ci adak ol eezene ci ngerinne.

Lu̱ka̱ 12:36

u̱tu̱gu̱z ki ol cik ere ddi̱ki̱ryo̱i̱t cinne̱ng ci oboda ngati rucento, kar zin ming okko enne oboda kar koṯokṯowan tatug, ovvo zin nege oowek nonno tatug ataman.

Kaviyak wak Abunna Ta̱mu̱ta̱dde̱no̱ eher Joni 3:29

Een rucaiti manyi ngaa, ovvo gonoggja wak abile rucenta kar kiziyet zoz, atali ming aziye muluk ci e̱e̱t ci aruce ko̱; gi̱i̱ ci aanya katal oroot ko̱ nenen.

2 Ko̱ri̱nto̱ 11:2

Kazunnung anna i̱ge̱t kiwagon Ta̱mu̱ta̱dde̱n ming azunnung i̱ge̱t ko̱. U̱tu̱gu̱zzu̱ niga kiwagon do̱le̱c ci nga̱a̱ye̱ ngen ka̱ta̱gu̱zzo̱ ki mac cinne. Ku̱du̱wa̱u̱ng anna i̱ge̱t kar urumtte ki Ye̱su̱ Ki̱ri̱sto̱.

Evesos 5:23

Eci e̱e̱ti̱ ci maci nonno ci abal ngaa cinne ki i̱yo̱ko̱ Ki̱ri̱sto̱ ming abal ol wak a̱tu̱ nonno ke̱le̱ci̱e̱ cinne ko̱, een enne Ti̱ri̱zo̱i̱t cinne̱ng.

Evesos 5:32

Een necu zoz ci okkomi ngati ka̱gga̱we̱, ozoz zoz ci Ki̱ri̱sto̱ ki ol wak a̱tu̱we̱.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,

O̱no̱zzo̱k 11:13

Imma i̱i̱te̱ne̱ neci ele anyak looci ki̱rki̱ri̱k kar ce̱e̱zi̱ cik orog ci a̱ddi̱ki̱re̱ ko̱ lo̱lo̱i̱t cidici ku̱yu̱kte̱. U̱ru̱kte̱ ol cik e̱e̱ggi̱n i̱bbo̱nge̱t turgerem (7,000) ki̱ri̱ki̱ri̱ye̱ neci. Kar ol wak anyigzai aruge ko̱ ka̱bba̱ri̱te̱t ki̱di̱ngdi̱nga̱ni̱t Ta̱mu̱ta̱dde̱n ci aave ta̱mu̱-kenga.

O̱no̱zzo̱k 19:9

A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”

O̱no̱zzo̱k 21:2

Kedenya orog ci A̱li̱le̱, een Jerusalem ci een jor, iyowa ta̱mu̱-kenga ngati Ta̱mu̱ta̱dde̱no̱, kar zin kidiman ele ogon ki nyatirani ci aime ki̱zi̱zi̱ kicin mac cinne.

O̱no̱zzo̱k 21:9

I̱ki̱ya̱ zin annit anjilo co̱de̱ anjilonyai cik e̱e̱ggi̱n turgerem ko̱, balik anyak uduce turgerem abbize zerenina kar kize ne, “I̱jja̱, ki̱ye̱le̱ki̱ atin nyatiran, ngaa ci Nyoono.”