O̱no̱zzo̱k 19:6 - Tennet

⁶ Kar zin anna kizik mulukwa cik ogon ki ol cik meelek giir, oroi kiwagon maama cik a̱ri̱i̱, a̱ju̱l kiwagon borowoci: “Kinnatit Ta̱mu̱ta̱dde̱n! Eci Manyitinna Ta̱mu̱ta̱dde̱n wa anyak Komiz do̱o̱k ci abal lo̱o̱c.

O̱no̱zzo̱k 19:6 ပူးပေါင်းရင်းမြစ်များ

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

O̱no̱zzo̱k 1:15

Ovvo zoona ciginnek ogon kiwagon covoriya ci ozolo gwo̱o̱ya̱, okko mului cinne ogon kiwagon maama cik a̱ri̱i̱.

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 12:10

Kar zin anna kizik muluk ci a̱ppwe̱ ta̱mu̱-kenga, azi ne, “I̱yo̱ko̱ i̱ki̱ya̱ ti̱ri̱ze̱ne̱t ki doiz ki ba̱a̱li̱ne̱t ci Ta̱mu̱ta̱dde̱no̱, ki alaanzet ci Ki̱ri̱sto̱ cinne. Eci e̱e̱ti̱ ci ovolonge ol wak a̱tu̱we̱, ci gon ovolonge nogo ngati Ta̱mu̱ta̱dde̱no̱ ba̱a̱li̱n ki wazin ko̱, u̱ju̱ko̱zi̱k lo̱o̱c.

O̱no̱zzo̱k 14:2

Kiziya zin anna muluk ci a̱kku̱ ta̱mu̱-kenga oroi kiwagon maama cik a̱ri̱i̱, a̱ju̱l bo̱do̱k ki borowoci. Kiziya anna bo̱do̱k muluk ci oroi ki ci a̱ru̱k ol lokombet.

O̱no̱zzo̱k 19:1

Ma bali vu̱rrta̱ kiziya muluk ci oroi oroot ta̱mu̱-kenga kiwagon koole ming awalwali: “Kinnatit Ta̱mu̱ta̱dde̱n! A̱kku̱ ti̱ri̱ze̱ne̱t ki di̱ngdi̱ngo̱n ki doiz ngati Ta̱mu̱ta̱dde̱n cinna,

O̱no̱zzo̱k 19:4

Imma bali vu̱rrta̱, a̱ka̱tte̱k zin lo̱ddi̱ki̱re̱ cik e̱e̱ggi̱n moten rama ki we̱c ki kaal cik aruge e̱e̱ggi̱n we̱c u̱zu̱ngti̱nne̱ kar ki̱di̱ngdi̱nga̱ni̱t Ta̱mu̱ta̱dde̱n ngati aave enne lecera. Kar nege kizeto ne, “Een de̱de̱, kinnatit Ta̱mu̱ta̱dde̱n!”

O̱no̱zzo̱k 21:22

Ngen anna kicin Ce̱e̱z wa Ta̱mu̱ta̱dde̱no̱ orgato, ma̱rri̱t Manyi Ta̱mu̱ta̱dde̱n wa anyak Komiz do̱o̱k ki Nyoon nogo cik e̱e̱ggi̱n Ce̱e̱z wa Ta̱mu̱ta̱dde̱no̱.

O̱no̱zzo̱k 4:5

Iyowa a̱ha̱tti̱ ci gwo̱o̱yo̱ lecere ci alaanzetu ko̱, abadi kiwagon borowoci. Imma ngati aave leceri ko̱, anyak tukulen cik e̱e̱ggi̱n turgerem alanyiti. E̱e̱ggi̱n ne̱ke̱ vongizzok turgerem cik Ta̱mu̱ta̱dde̱no̱.

O̱no̱zzo̱k 6:1

Kicina anna Joni ming a̱du̱l Nyoon mutulac ci een oo mutulai wak e̱e̱ggi̱n turgerem a̱gga̱m waraga ko̱. Kar kizik kaal cik aruge e̱e̱ggi̱n we̱c ko̱ co̱de̱ ngatinne̱ng ming ozoz muluwanine cik a̱ppi̱nte̱k a̱ju̱l kiwagon borowoci, azi ne, “I̱jja̱!”

O̱no̱zzo̱k 8:5

Idima zin anjilo neci gi̱i̱ ci anyak mutula ko̱, kar zin kibbizitan gwo̱o̱ye̱ ci aave i̱te̱la̱, kar zin ku̱ju̱ke̱k lo̱o̱c; kar nginati kabad kiwagon borowoci, katalany kar looci kotomo kize ki̱ri̱ki̱ri̱k.