O̱no̱zzo̱k 18:9 - Tennet

⁹ “Ming ovvo alaata wak lo̱o̱tu̱ owoye ngaa neci, adak botorzet nogo do̱o̱k nga̱to̱de̱ acin atin nege bbu̱rre̱t ci atuzene ngaa neci, a̱lu̱ atin nege kar kaarttek u̱lu̱wa̱ lo̱o̱c zo̱ze̱ cinne.

O̱no̱zzo̱k 18:9 ပူးပေါင်းရင်းမြစ်များ

Kananet 19:28

Edev zin enne o̱to̱n ci Sodomi ki Gomorrah, ki bo̱do̱k nginti okko ki mu̱u̱r do̱o̱k, edenya enne bbu̱rre̱t ci a̱ppwe̱ ingazi lo̱o̱ce̱ neci, ogon ki bbu̱rre̱ti̱ ci iyowa zara.

1 Ti̱mo̱te̱yo̱ 5:11

Ma̱i̱je̱ ngaai wak boyek ngen een uturtta, ma eherik zar cigge̱k waraga wa engere ngaai cik boyek da̱i̱ne̱t, eci ming itazak zi̱nze̱tti̱ cigge̱k ol cik macik, orongit ki̱ti̱kte̱, utuburet abarik zoz ci Ki̱ri̱sto̱.

O̱no̱zzo̱k 14:11

Kar bbu̱rre̱ti̱ ci a̱gi̱dde̱ ol nogo ko̱ ottod udut. I̱llo̱i̱ i̱i̱te̱n imma ci i̱ye̱be̱ze̱ nege waz icima ba̱a̱l ngati ol wak a̱di̱ngdi̱nga̱n e̱le̱gi̱t ki ri̱ri̱to̱n cinne, icima e̱e̱t imma ci anyak baayenit ci zar ciginnek.”

O̱no̱zzo̱k 17:2

A̱ta̱gu̱zzo̱ alaata cik lo̱o̱tu̱ ko̱ do̱o̱k ki ngaa neci, ovvo olli lo̱o̱tu̱ do̱o̱k ibbakce zo̱ze̱ ci a̱li̱ya̱kze̱t cinne ko̱.”

O̱no̱zzo̱k 18:18

Ming ovvo nege edenya bbu̱rre̱t ci atuzene orogi ci a̱ddi̱ki̱re̱, egereny atin nege azi ne, ‘Anyak de̱de̱ orog imma ci ogon ki orogi ci a̱ddi̱ki̱re̱ ko̱?’

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”

O̱no̱zzo̱k 18:3

U̱tu̱gu̱ Babiloni ki ngaa neci, ma̱rri̱t lo̱o̱co̱wa̱ do̱o̱k uudet merte cinne a̱li̱ya̱kze̱ti̱nu̱. Otozo alaata cik lo̱o̱tu̱ do̱o̱k ki nonno, kar ol cik utene kaal lo̱o̱ta̱ do̱o̱k ku̱mu̱dda̱ i̱to̱kze̱t ngatinne baize ci gerze ko̱.”

O̱no̱zzo̱k 18:7

Aanycik nonno pirnanet ci a̱ppwe̱ ki matiz ki baling aanyik enne ele cinne di̱ngdi̱ngo̱n ki botorzet. Imma zinine cinne odong enne ele, ‘Kaave anna kize alaan; iróng anna ke̱e̱ni̱ ngaa ci boye, kar iróng atin anna ka̱lu̱ u̱lu̱wa̱.’

O̱no̱zzo̱k 19:3

Kar bo̱do̱k ol ne̱ke̱ kegerenyit kizeto ne: “Kinnatit Ta̱mu̱ta̱dde̱n yaa! Okko bbu̱rre̱ti̱ ci iyowa ngati ngaa ci een a̱li̱ya̱i̱t ko̱ okko udut.”

O̱no̱zzo̱k 2:22

Kanyike atin anna nonno kipira ka̱ta̱ngu̱ kwe̱e̱na̱, kar zin bo̱do̱k kanyik ol balik ogon a̱li̱ya̱kze̱t ki nonno ko̱ kipirta oroot, iróng atin nege apirna ming uturtta nege mu̱nye̱n cigge̱k kar kettedo zo̱o̱ zo̱ze̱ ci a̱ri̱to̱i̱t necu.