O̱no̱zzo̱k 18:3 - Tennet

³ U̱tu̱gu̱ Babiloni ki ngaa neci, ma̱rri̱t lo̱o̱co̱wa̱ do̱o̱k uudet merte cinne a̱li̱ya̱kze̱ti̱nu̱. Otozo alaata cik lo̱o̱tu̱ do̱o̱k ki nonno, kar ol cik utene kaal lo̱o̱ta̱ do̱o̱k ku̱mu̱dda̱ i̱to̱kze̱t ngatinne baize ci gerze ko̱.”

O̱no̱zzo̱k 18:3 ပူးပေါင်းရင်းမြစ်များ

Lu̱ka̱ 7:25

Ming iróng een niko, ovvoyyu da̱ niga ovvo acinnu nya? E̱e̱t ci aim ru̱u̱ma̱ni̱ cik a̱zi̱ze̱? I̱llo̱i̱, aavtte ol cik aim ru̱u̱ma̱ni̱ cik a̱zi̱ze̱ adak o̱ro̱bi̱ya̱ cik meelek kar kabaito baiz ci odonge nege e̱le̱tti̱ ce̱e̱zi̱nne̱ cik alaatu.

1 Ti̱mo̱te̱yo̱ 5:11

Ma̱i̱je̱ ngaai wak boyek ngen een uturtta, ma eherik zar cigge̱k waraga wa engere ngaai cik boyek da̱i̱ne̱t, eci ming itazak zi̱nze̱tti̱ cigge̱k ol cik macik, orongit ki̱ti̱kte̱, utuburet abarik zoz ci Ki̱ri̱sto̱.

O̱no̱zzo̱k 14:8

I̱ki̱ya̱ zin anjilo ci een ram ko̱ kar kize ne, “I̱li̱btte̱, I̱li̱btte̱ olli orog ci a̱ddi̱ki̱re̱ een Babilon, orog ci aanyik ol do̱o̱k lo̱o̱ta̱ kuudet merte ci aanyik nogo a̱li̱ya̱kze̱t oroot.”

O̱no̱zzo̱k 17:2

A̱ta̱gu̱zzo̱ alaata cik lo̱o̱tu̱ ko̱ do̱o̱k ki ngaa neci, ovvo olli lo̱o̱tu̱ do̱o̱k ibbakce zo̱ze̱ ci a̱li̱ya̱kze̱t cinne ko̱.”

O̱no̱zzo̱k 18:19

Ovvo atin nege a̱ddu̱te̱k todowa o̱o̱tti̱ cigge̱k, kar zin komozte ku̱tu̱lu̱zzo̱: “‘O̱lle̱ nonga! O̱lle̱ nonga! Orog ci a̱ddi̱ki̱re̱, i̱go̱k ol do̱o̱k balik anyak i̱be̱t nyatapare ci a̱ddi̱ki̱re̱ ke̱ izeto nege i̱tto̱k kaale cik orog cu! Okkoye i̱i̱ co̱de̱ ṯok iditai i̱tto̱kze̱t ci orog neci veelek!

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 18:7

Aanycik nonno pirnanet ci a̱ppwe̱ ki matiz ki baling aanyik enne ele cinne di̱ngdi̱ngo̱n ki botorzet. Imma zinine cinne odong enne ele, ‘Kaave anna kize alaan; iróng anna ke̱e̱ni̱ ngaa ci boye, kar iróng atin anna ka̱lu̱ u̱lu̱wa̱.’

O̱no̱zzo̱k 18:9

“Ming ovvo alaata wak lo̱o̱tu̱ owoye ngaa neci, adak botorzet nogo do̱o̱k nga̱to̱de̱ acin atin nege bbu̱rre̱t ci atuzene ngaa neci, a̱lu̱ atin nege kar kaarttek u̱lu̱wa̱ lo̱o̱c zo̱ze̱ cinne.