O̱no̱zzo̱k 18:16 - Tennet

¹⁶ azi ne, “‘O̱lle̱ nonga! O̱lle̱ nonga ngatunne! Izeto gerze ngati orog wa a̱ddi̱ki̱re̱. Aim ba̱li̱ye̱ enne ru̱u̱m ci a̱zi̱ze̱ oroot, anyak guul ci een lo̱ddi̱ng ki ci ma̱ri̱, ataltali kaala ne̱k e̱e̱ggi̱n dhahab ki biyen cik e̱e̱ggi̱n le̱de̱re̱t ki bo̱do̱k teltelen cik voorik ataltali.

O̱no̱zzo̱k 18:16 ပူးပေါင်းရင်းမြစ်များ

O̱no̱zzo̱k 17:3

Kar zin anjilo kodonga annit Vongize ci Ta̱mu̱ta̱dde̱no̱ rok balal. Imma nginati kicina ngaa neci aave e̱le̱gte̱ ci ma̱ri̱ tet, a̱di̱le̱ ele do̱o̱k zare cik odome enne Ta̱mu̱ta̱dde̱n, kar kanyak o̱o̱tti̱ turgerem ki o̱to̱ omoto.

O̱no̱zzo̱k 17:4

Aim ngaa neci ru̱u̱m ci anyak guul ci een lo̱ddi̱ng kar bo̱do̱k ci ma̱ri̱, ataltali ru̱u̱m cinne ogon kiwagon zu̱rte̱nti̱ ci een dhahab, ogon bo̱do̱k ki biyena cik e̱e̱ggi̱n le̱de̱re̱t ki bo̱do̱k teltelen cik ataltali. Anyak enne bu̱k uduc ci een dhahab a̱tte̱ cinne, abbize kaala cik gerzek a̱li̱ya̱kze̱ti̱nu̱.

O̱no̱zzo̱k 18:18

Ming ovvo nege edenya bbu̱rre̱t ci atuzene orogi ci a̱ddi̱ki̱re̱, egereny atin nege azi ne, ‘Anyak de̱de̱ orog imma ci ogon ki orogi ci a̱ddi̱ki̱re̱ ko̱?’

O̱no̱zzo̱k 18:19

Ovvo atin nege a̱ddu̱te̱k todowa o̱o̱tti̱ cigge̱k, kar zin komozte ku̱tu̱lu̱zzo̱: “‘O̱lle̱ nonga! O̱lle̱ nonga! Orog ci a̱ddi̱ki̱re̱, i̱go̱k ol do̱o̱k balik anyak i̱be̱t nyatapare ci a̱ddi̱ki̱re̱ ke̱ izeto nege i̱tto̱k kaale cik orog cu! Okkoye i̱i̱ co̱de̱ ṯok iditai i̱tto̱kze̱t ci orog neci veelek!