O̱no̱zzo̱k 18:1 - Tennet

¹ Imma bali vu̱rrta̱ kicina anjilo imma ming a̱kku̱ ta̱mu̱-kenga. Anyak enne doiz ci a̱ddi̱ki̱re̱, kar zin looci katarane di̱ngdi̱ngo̱ne̱ cinne.

O̱no̱zzo̱k 18:1 ပူးပေါင်းရင်းမြစ်များ

Lu̱ka̱ 17:24

Eci Ngerrti E̱e̱to̱ i̱i̱te̱ne̱ cinne ogon atin enne kiwagon borowoci, ci abadi katalany ta̱mu̱-kenga do̱o̱k.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

O̱no̱zzo̱k 10:1

Kicina zin bo̱do̱k anjilo imma ci okkomi a̱kku̱ ta̱mu̱-kenga a̱kku̱nna̱k lo̱o̱c. A̱bu̱ng di̱i̱z ele cinne do̱o̱k ki mauli ci aave oowe cinne ta̱dde̱na̱, ogon ngu̱m cinne kiwagon i̱i̱, ovvo zoona alanyit kiwagon a̱ha̱tti̱ cik gwo̱o̱ya̱k.

O̱no̱zzo̱k 17:1

I̱ki̱ya̱ zin annit anjilo co̱de̱ anjilonyai ne̱k e̱e̱ggi̱n turgerem anyak uduce turgerem ke̱, kar zin kize ne, “I̱jja̱ kar ki̱ye̱le̱i̱ de̱zi̱ne̱t ci okko Ta̱mu̱ta̱dde̱n edeze ngaa ci een a̱li̱ya̱i̱t ommog veelek, nonno ci aave maame cik meelek.

O̱no̱zzo̱k 17:7

A̱nne̱ka̱ zin anjilo annit ne, “Nya ming a̱ku̱le̱k i̱nna̱ je̱e̱n ko̱? Kokko atin anna koobeki zoz ci a̱lu̱gnye̱ zo̱ze̱ ci ngaa necu ki e̱le̱gi̱t ci ottod enne ko̱, anyak o̱o̱tti̱ turgerem ki o̱to̱ omoto ko̱.

O̱no̱zzo̱k 21:23

Iróng orogi orong i̱i̱ icima nye̱lo̱k kar kataran lo̱o̱c, ma̱rri̱t di̱ngdi̱ngo̱ni̱ ci Ta̱mu̱ta̱dde̱no̱ ataran lo̱o̱c, okko Nyoon een urez cinne.