O̱no̱zzo̱k 17:9 - Tennet

⁹ “Orong zin zoz necu e̱e̱t ci aziye zoz kar bo̱do̱k kanyak ki genyiz. E̱e̱ggi̱n o̱o̱tti̱ wak e̱e̱ggi̱n turgerem ko̱ zi̱i̱ryo̱k cik e̱e̱ggi̱n turgerem aave ngaa necu ko̱.

O̱no̱zzo̱k 17:9 ပူးပေါင်းရင်းမြစ်များ

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Ma̱te̱yo̱ 24:15

“Ming acinnu kaal balik u̱du̱wa̱ a̱ri̱to̱i̱ti̱ ci zoz ci Ta̱mu̱ta̱dde̱no̱ azi zara Daniel, azi ne, ‘Acinnu atin Gi̱i̱ ci Gerze’ abile Ngati A̱li̱le̱ Ce̱e̱ze̱ wa Ta̱mu̱ta̱dde̱no̱. Ming ikebtu niga ngintu, abunna ming a̱gga̱yyu̱ ungec cinne ju̱rru̱m!

O̱no̱zzo̱k 13:1

Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 13:18

Orong zoz necu genyiz. Ming anyak e̱e̱ti̱ imma ci a̱gga̱, anyik nonno kikeb nimira ci zar cik e̱le̱gi̱t neci, een nimira neci ci e̱e̱t ci diiri, e̱he̱rye̱ baayenti neci ke̱te̱ obet torkonom ki moten torkonom ki torkonom (666).

O̱no̱zzo̱k 17:18

Imma ngaa ci icinnu i̱nna̱ ko̱ i̱ya̱bzo̱ni̱k orog ci a̱ddi̱ki̱re̱ een Babilon abal alaat cik lo̱o̱tu̱ do̱o̱k.”

O̱no̱zzo̱k 17:3

Kar zin anjilo kodonga annit Vongize ci Ta̱mu̱ta̱dde̱no̱ rok balal. Imma nginati kicina ngaa neci aave e̱le̱gte̱ ci ma̱ri̱ tet, a̱di̱le̱ ele do̱o̱k zare cik odome enne Ta̱mu̱ta̱dde̱n, kar kanyak o̱o̱tti̱ turgerem ki o̱to̱ omoto.

O̱no̱zzo̱k 17:7

A̱nne̱ka̱ zin anjilo annit ne, “Nya ming a̱ku̱le̱k i̱nna̱ je̱e̱n ko̱? Kokko atin anna koobeki zoz ci a̱lu̱gnye̱ zo̱ze̱ ci ngaa necu ki e̱le̱gi̱t ci ottod enne ko̱, anyak o̱o̱tti̱ turgerem ki o̱to̱ omoto ko̱.