O̱no̱zzo̱k 17:8 - Tennet

⁸ Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 17:8 ပူးပေါင်းရင်းမြစ်များ

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Lu̱ka̱ 10:20

Ma zin atalninnu zo̱ze̱ ci o̱ngo̱o̱li̱nnu̱ng kuulo i̱ge̱ta̱, abarik atalit zo̱ze̱ ci eteherte zara ciggo̱k ta̱mu̱-kenga.”

Lu̱ka̱ 8:31

Ilalttek zin kuulo ne̱ke̱ Ye̱su̱ gerza ming ottok nogo koot lo̱o̱wa̱.

Kaviyak wak Abunna Ta̱mu̱ta̱dde̱no̱ eher Joni 17:24

“Baba, korongi ol ne̱k aanya ko̱ koot ka̱vvu̱to̱ nginati kokko kaave anna ke̱, kar kicinnet bu̱le̱ne̱t cinanni bali aanya i̱nna̱ ke̱ ma̱rri̱t ireza i̱nna̱ annit baling ngen keteehenyai looci.”

Buk wa To̱ni̱a̱u̱ 15:18

a̱gga̱ bu̱u̱llo̱wa̱ zoz necu bali reena.

Evesos 1:4

Atahalait enne agit la̱du̱n baling ngen looci keteehenyai, kar kizet ol cik a̱li̱le̱ ki̱zze̱c mu̱nye̱na̱ ngu̱me̱ cinne kar naga kabait rezinta.

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 17:11

Imma e̱le̱gi̱ti̱ bali arrak aave ke̱, kar i̱yo̱ko̱ iróng ngen aave, een enne alaan wa een tu̱rge̱. A̱kku̱ enne alaate wak e̱e̱ggi̱n turgerem ke̱, okko enne bu̱k aditai.

O̱no̱zzo̱k 17:2

A̱ta̱gu̱zzo̱ alaata cik lo̱o̱tu̱ ko̱ do̱o̱k ki ngaa neci, ovvo olli lo̱o̱tu̱ do̱o̱k ibbakce zo̱ze̱ ci a̱li̱ya̱kze̱t cinne ko̱.”

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 20:12

Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:5

Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.