O̱no̱zzo̱k 17:4 - Tennet

⁴ Aim ngaa neci ru̱u̱m ci anyak guul ci een lo̱ddi̱ng kar bo̱do̱k ci ma̱ri̱, ataltali ru̱u̱m cinne ogon kiwagon zu̱rte̱nti̱ ci een dhahab, ogon bo̱do̱k ki biyena cik e̱e̱ggi̱n le̱de̱re̱t ki bo̱do̱k teltelen cik ataltali. Anyak enne bu̱k uduc ci een dhahab a̱tte̱ cinne, abbize kaala cik gerzek a̱li̱ya̱kze̱ti̱nu̱.

O̱no̱zzo̱k 17:4 ပူးပေါင်းရင်းမြစ်များ

O̱no̱zzo̱k 14:8

I̱ki̱ya̱ zin anjilo ci een ram ko̱ kar kize ne, “I̱li̱btte̱, I̱li̱btte̱ olli orog ci a̱ddi̱ki̱re̱ een Babilon, orog ci aanyik ol do̱o̱k lo̱o̱ta̱ kuudet merte ci aanyik nogo a̱li̱ya̱kze̱t oroot.”

O̱no̱zzo̱k 18:12

E̱e̱ggi̱n kaala ne̱ke̱ ziik cik ataltali ki dhahabi, ki biyen ki alben cik ataltali, ru̱u̱ma̱ni̱ cik a̱zi̱ze̱, anyak guul ci een lo̱ddi̱ng, ki ru̱u̱ma̱ni̱ cik ma̱ri̱k; ki keen wak a̱zi̱ze̱, ki kaal cik adimanai nyigite cik ongolwanu, keen wak adak o̱ro̱bi̱ya̱ cik meelek, ki ziik icima biyen cik a̱zi̱ze̱;

O̱no̱zzo̱k 18:16

azi ne, “‘O̱lle̱ nonga! O̱lle̱ nonga ngatunne! Izeto gerze ngati orog wa a̱ddi̱ki̱re̱. Aim ba̱li̱ye̱ enne ru̱u̱m ci a̱zi̱ze̱ oroot, anyak guul ci een lo̱ddi̱ng ki ci ma̱ri̱, ataltali kaala ne̱k e̱e̱ggi̱n dhahab ki biyen cik e̱e̱ggi̱n le̱de̱re̱t ki bo̱do̱k teltelen cik voorik ataltali.

O̱no̱zzo̱k 19:2

eci te̱di̱ne̱t lo̱ki̱ko̱ cinne een zoz ci abunna kar bo̱do̱k kize de̱de̱. Edez enne ngaa ci een a̱li̱ya̱i̱t wa a̱ddi̱ki̱re̱ bali egerzan lo̱o̱c a̱li̱ya̱kze̱te̱ cinne. Acaca zin Ta̱mu̱ta̱dde̱n ngatinne bi̱ye̱ cik du̱cca̱k ciginnek balik a̱ru̱we̱ ke̱.”

O̱no̱zzo̱k 21:21

Ovvo arraneta cik e̱e̱ggi̱n omoto ki rama ko̱ eenycai biyene cik voorik per e̱e̱ggi̱n omoto ki rama bu̱k, eenycai arani co̱de̱ biye ci voori per. Okko gool ci a̱ddi̱ki̱re̱ o̱rgu̱ ko̱ eenycai zu̱rte̱nte̱ ci een dhahab ci caale paz, ogon kiwagon kirijaja ci edenya i̱nna̱ e̱e̱t eci goola.

O̱no̱zzo̱k 9:21

Iróng zin nege aara mu̱nye̱n cik amunye nege ol, ki cik adimane nege kaal cik ngaretu, a̱li̱ya̱kze̱ti̱nu̱ ki cik ogorak.