O̱no̱zzo̱k 17:2 - Tennet

² A̱ta̱gu̱zzo̱ alaata cik lo̱o̱tu̱ ko̱ do̱o̱k ki ngaa neci, ovvo olli lo̱o̱tu̱ do̱o̱k ibbakce zo̱ze̱ ci a̱li̱ya̱kze̱t cinne ko̱.”

O̱no̱zzo̱k 17:2 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 2:10

kar kizek ne, “Anyik ol odohize merte wa abunna arrak, kar zin ming u̱u̱dde̱ oroot, aanycik zin merte ci amaktali. Abarik zin i̱nna̱ i̱ta̱ngu̱ merte wa abunna oroot izong kar zin nyahak ol vu̱rrta̱?”

O̱no̱zzo̱k 14:8

I̱ki̱ya̱ zin anjilo ci een ram ko̱ kar kize ne, “I̱li̱btte̱, I̱li̱btte̱ olli orog ci a̱ddi̱ki̱re̱ een Babilon, orog ci aanyik ol do̱o̱k lo̱o̱ta̱ kuudet merte ci aanyik nogo a̱li̱ya̱kze̱t oroot.”

O̱no̱zzo̱k 17:13

Anyak nege i̱no̱ni̱ co̱de̱ kar kanycik komiz cinne̱ng ki alaanzet bu̱k e̱le̱gi̱t.

O̱no̱zzo̱k 17:17

Eci Ta̱mu̱ta̱dde̱n aarik zi̱nze̱tti̱ cigge̱k abunna edecak li̱ngli̱ngo̱n cinne ngati anyike e̱le̱gi̱t komiz kar kabal lo̱o̱c, zee kakat zoz ci Ta̱mu̱ta̱dde̱no̱ mo̱o̱le̱t.

O̱no̱zzo̱k 17:5

E̱he̱rye̱ zoz cu ngu̱me̱ cinne: Zar cik a̱lu̱gnye̱ Babilon ci a̱ddi̱ki̱re̱ E̱e̱ti̱ a̱li̱ya̱k do̱o̱k Ki kaal cik a̱li̱ya̱kze̱ti̱nu̱ lo̱o̱ta̱ ngatu do̱o̱k.

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 18:3

U̱tu̱gu̱ Babiloni ki ngaa neci, ma̱rri̱t lo̱o̱co̱wa̱ do̱o̱k uudet merte cinne a̱li̱ya̱kze̱ti̱nu̱. Otozo alaata cik lo̱o̱tu̱ do̱o̱k ki nonno, kar ol cik utene kaal lo̱o̱ta̱ do̱o̱k ku̱mu̱dda̱ i̱to̱kze̱t ngatinne baize ci gerze ko̱.”

O̱no̱zzo̱k 18:9

“Ming ovvo alaata wak lo̱o̱tu̱ owoye ngaa neci, adak botorzet nogo do̱o̱k nga̱to̱de̱ acin atin nege bbu̱rre̱t ci atuzene ngaa neci, a̱lu̱ atin nege kar kaarttek u̱lu̱wa̱ lo̱o̱c zo̱ze̱ cinne.

O̱no̱zzo̱k 2:22

Kanyike atin anna nonno kipira ka̱ta̱ngu̱ kwe̱e̱na̱, kar zin bo̱do̱k kanyik ol balik ogon a̱li̱ya̱kze̱t ki nonno ko̱ kipirta oroot, iróng atin nege apirna ming uturtta nege mu̱nye̱n cigge̱k kar kettedo zo̱o̱ zo̱ze̱ ci a̱ri̱to̱i̱t necu.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 9:21

Iróng zin nege aara mu̱nye̱n cik amunye nege ol, ki cik adimane nege kaal cik ngaretu, a̱li̱ya̱kze̱ti̱nu̱ ki cik ogorak.