O̱no̱zzo̱k 17:17 - Tennet

¹⁷ Eci Ta̱mu̱ta̱dde̱n aarik zi̱nze̱tti̱ cigge̱k abunna edecak li̱ngli̱ngo̱n cinne ngati anyike e̱le̱gi̱t komiz kar kabal lo̱o̱c, zee kakat zoz ci Ta̱mu̱ta̱dde̱no̱ mo̱o̱le̱t.

O̱no̱zzo̱k 17:17 ပူးပေါင်းရင်းမြစ်များ

O̱no̱zzo̱k 10:7

Ma̱i̱je̱ i̱i̱te̱n ci okko anjilo ci een turgerem ko̱ abu ture cinne, okko atin Ta̱mu̱ta̱dde̱n a̱du̱wa̱k zoz cinne a̱lu̱gnye̱ ko̱ du̱cca̱k waginnek een a̱ri̱tto̱k.”

2 Ko̱ri̱nto̱ 8:16

I̱yo̱ko̱ zin, kanyike Ta̱mu̱ta̱dde̱n zany, eci enne aarik zoz ci abunna zinin ci Ti̱to̱ ki annita, ci irezzung i̱ge̱t oroot.

Kaviyak wak Abunna Ta̱mu̱ta̱dde̱no̱ eher Joni 13:2

Baling anyaktta ol da̱i̱ne̱t cik adak ol yo̱mo̱na̱, i̱tto̱ da̱ lo̱rye̱nti̱ zinin ci Judas Iskariyot wa een ngerrti Si̱mo̱ne̱ ci atin okko adawa Ye̱su̱.

O̱no̱zzo̱k 17:13

Anyak nege i̱no̱ni̱ co̱de̱ kar kanycik komiz cinne̱ng ki alaanzet bu̱k e̱le̱gi̱t.

Kaviyak wak Abunna Ta̱mu̱ta̱dde̱no̱ eher Joni 13:18

Izek zin Ye̱su̱ nogo ne, “Iróng zoz necu akati i̱ge̱t do̱o̱k, ka̱gga̱ ol balik katahala ke̱. Ogone zin zoz necu kar zoz bali e̱he̱rye̱ Warage ci Ta̱mu̱ta̱dde̱no̱ ke̱ kakat mo̱o̱le̱t, azi ne, ‘Adawana e̱e̱ti̱ ci kozola da̱i̱ne̱t bu̱k.’

Lu̱ka̱ 22:22

Okko atin Ngerrti E̱e̱to̱ ki bali ming u̱du̱ya̱i̱ ke̱, abarik o̱lle̱ nonga cik e̱e̱t ci adawa nonno.”

O̱no̱zzo̱k 15:1

Kicina zin bo̱do̱k anna ta̱mu̱-kenga anyak baayenit imma ci a̱ddi̱ki̱re̱ oroot aanya ki̱vi̱re̱t bi̱ye̱ta̱: anjilonya turgerem anyaha zerenin turgerem cik vu̱rrta̱k, eci zo̱ze̱ necu uk zin mozinet ci Ta̱mu̱ta̱dde̱no̱ edeccai.

Kaviyak wak Abunna Ta̱mu̱ta̱dde̱no̱ eher Joni 19:28

A̱gga̱ Ye̱su̱ niko ming edeccai li̱ngli̱ngo̱ni̱ cinne, kar zoz bali u̱du̱ya̱i̱ Warage ci Ta̱mu̱ta̱dde̱no̱ ke̱ kakat mo̱o̱le̱t, ize ne, “A̱ru̱ka̱ koor.”

Kaviyak wak Abunna Ta̱mu̱ta̱dde̱no̱ eher Joni 19:24

Izeto ne, “Gerza ming kerec naga, kovoccit abarik bibi icima wo̱ye̱ ngene ci okkoye, kar kicinnet i̱i̱na̱k ngene.” Kar zoz necu kakat mo̱o̱le̱t Warage ci Ta̱mu̱ta̱dde̱no̱ ke̱, azi ne, “Engerttek ru̱u̱ma̱ni̱ cigannik e̱le̱tti̱, kar zin bo̱do̱k kovoccit bibi ci ru̱u̱ma̱ni̱ cigannik.” Gi̱i̱ zin ci bali ogon aciiri balik odode Ye̱su̱ ke̱ necu.

Kaviyak wak Abunna Ta̱mu̱ta̱dde̱no̱ eher Joni 10:35

A̱gga̱yyu̱ iróng e̱e̱ti̱ imma uhu Waraga ci Ta̱mu̱ta̱dde̱no̱, aave zoz ci e̱he̱rye̱ ko̱ een de̱de̱ udut. Awu Ta̱mu̱ta̱dde̱n ol wak elemtta zoz cinne ‘ta̱mu̱ta̱dde̱ne̱t’,

Lu̱ka̱ 22:37

E̱he̱rye̱ Warage ci Ta̱mu̱ta̱dde̱no̱, ‘I̱ti̱gi̱lte̱k ol nonno ki olli mu̱nye̱nu̱.’ Ka̱du̱wa̱kku̱ng anna i̱ge̱ta̱ ogone atin kaala ne̱ko̱ ngatinanni. De̱de̱ zoz ci e̱he̱rye̱ zo̱ze̱ cinanni ki̱ki̱ya̱ zin akat mo̱o̱le̱t.”

Lu̱ka̱ 22:3

I̱tto̱ zin Sitani zinin ci Judasi wa a̱nne̱k ol ne Iskariyot, een enne nuyait co̱de̱ nuyahe cik Ye̱su̱ wak e̱e̱ggi̱n omoto ki rama ko̱.

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.

O̱no̱zzo̱k 19:9

A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”