O̱no̱zzo̱k 17:12 - Tennet

¹² “E̱e̱ggi̱n o̱to̱ cik icinnu i̱nna̱ een omoto ko̱ alaat wak ngen ka̱gga̱mta̱ alaanzet, abarik ming utube i̱i̱ co̱de̱, amuda atin nege alaanzet ki e̱le̱gi̱t bu̱k nga̱to̱de̱.

O̱no̱zzo̱k 17:12 ပူးပေါင်းရင်းမြစ်များ

O̱no̱zzo̱k 10:11

U̱du̱wa̱ zin enne annit zoz cu: “Abunna ming uwahek ol bo̱do̱k dee zoz ci a̱lu̱ngnye̱ ko̱, ol cik meelek ki i̱do̱ngi̱ lo̱o̱co̱we̱, ki u̱tu̱ge̱tti̱ cik aavtte do̱ do̱ ki alaat.”

O̱no̱zzo̱k 12:3

I̱ye̱la̱i̱ zin baayenti imma ta̱mu̱-kenga: E̱le̱gi̱t ci ma̱ri̱ ogon ki u̱ggu̱li̱ ci a̱ddi̱ki̱re̱, anyak o̱o̱tti̱ turgerem ki o̱to̱ omoto, ki lulukwa turgerem o̱o̱tti̱ne̱ ciginnek.

O̱no̱zzo̱k 13:1

Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 17:16

Okko atin e̱le̱gi̱ti̱ ki o̱to̱ omoto cik icinnu i̱nna̱ ko̱, amarine atin nege ngaa ci een a̱li̱ya̱i̱t ko̱. Egerzan atin nege nonno, aara ru̱u̱ma̱ni̱ ka̱vvu̱ enne nga̱dhi̱ri̱r; adak atin nege ele cinne kar kutuzet nonno gwo̱o̱ya̱.

O̱no̱zzo̱k 18:10

O̱to̱ngo̱o̱ltte̱ zin nege zo̱ze̱ ci pirnanet cinne, kar atin kibilet reena kar ku̱tu̱lu̱zzo̱: “‘O̱lle̱ nonga! O̱lle̱ nonga ngatunne! Orog ci a̱ddi̱ki̱re̱ ye̱i̱, Babilon bai, orog ci anyak komiz do̱o̱k! I̱ki̱ya̱ li̱be̱ne̱t cunne i̱i̱ co̱de̱ ṯok niko!’

O̱no̱zzo̱k 18:17

Imma zin i̱i̱ co̱de̱ ṯok niko iditai kaala ne̱ke̱ ne lai!’ “Imma lo̱ddi̱ki̱re̱ wak amacuc baburnya ki ol wak eron ki nogo ko̱, ki ol wak amuda da̱i̱ne̱t cigge̱k nyatapar ci a̱ddi̱ki̱re̱, abile atin nege do̱o̱k reena many.

O̱no̱zzo̱k 18:19

Ovvo atin nege a̱ddu̱te̱k todowa o̱o̱tti̱ cigge̱k, kar zin komozte ku̱tu̱lu̱zzo̱: “‘O̱lle̱ nonga! O̱lle̱ nonga! Orog ci a̱ddi̱ki̱re̱, i̱go̱k ol do̱o̱k balik anyak i̱be̱t nyatapare ci a̱ddi̱ki̱re̱ ke̱ izeto nege i̱tto̱k kaale cik orog cu! Okkoye i̱i̱ co̱de̱ ṯok iditai i̱tto̱kze̱t ci orog neci veelek!