O̱no̱zzo̱k 16:8 - Tennet

⁸ U̱ddu̱te̱k zin anjilo wa een we̱c ko̱ uduc cinne i̱i̱. Anyozik zin i̱i̱ komizi kar kovvoc ol ka̱bu̱r kiwagon gwa̱a̱.

O̱no̱zzo̱k 16:8 ပူးပေါင်းရင်းမြစ်များ

Jonah 4:8

Baling iyowa koor, i̱tto̱na̱ zin Ta̱mu̱ta̱dde̱n ngoot ci a̱bu̱re̱ oroot o̱to̱ne̱ ci je̱e̱ni̱, kar zin koor kovvoc oo ci Jonah kataval, orong a̱da̱i̱ kar kize ne, “Inya ka̱da̱k udut, maya daizi rugeta.”

Ma̱te̱yo̱ 13:6

Imma baling okko iyowa koor ci a̱bu̱re̱, utuz ma̱na̱ neci kodok eci iróng nege anyak egero cik i̱i̱zo̱ lo̱o̱c ju̱rru̱m.

Lu̱ka̱ 21:25

“Anyak atin baayen cik i̱ye̱la̱i̱ koora, nye̱lo̱wa̱ ki munyunye. Kar lo̱o̱ta̱, ovvo atin ol lo̱o̱co̱we̱ do̱o̱k apirna kar ka̱bba̱ri̱te̱t ngati a̱ju̱le̱ maama nyatapare ci a̱ddi̱ki̱re̱.

Buk wa To̱ni̱a̱u̱ 2:20

Ukce atin koor kize o̱lla̱ ter okko nyelowi ukce ki̱bbi̱r ku̱tu̱gu̱ kiwagon gwa̱a̱ i̱i̱te̱ne̱ ci ngen Manyi ki̱ki̱ya̱ komize cinne a̱ddi̱ki̱re̱ ki di̱ngdi̱ngo̱n.

O̱no̱zzo̱k 14:18

Iyowa anjilo imma ci anyak doiz ci gwo̱o̱yo̱ a̱kku̱ i̱te̱la̱ kar kegerenyek anjilo ci anyak cerecere ci lehedi ko̱ muluwe ci a̱ppwe̱, a̱nne̱k ne, “Dima cerecere cunne lehedi ko̱, kar luta o̱ya̱u̱ cik een vi̱no̱ alute keete ci atanak ma̱ne̱ ci lo̱o̱tu̱ ko̱, eci i̱bbi̱re̱to̱ o̱ya̱u̱ ne̱ke̱.”

O̱no̱zzo̱k 6:12

Kicina anna ming u̱du̱l enne mutulac ci een torkonom. Anyak zin ki̱rki̱ri̱k ci a̱ppwe̱ oroot. Utuhuwe i̱i̱ ize gi̱da̱ng u̱tu̱gu̱ kiwagon zolomonti, utuhuwe zin nyelowi kize ma̱ri̱k kiwagon bi̱ye̱ta̱,

O̱no̱zzo̱k 7:16

Iróng atin nogo adak magiz udut; iróng atin koor a̱ru̱k nogo udut. Iróng atin koor ngen atuz nogo, icima tabbal ci atuz nogo.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 9:2

Baling okko enne oo lo̱o̱k neci, iyowa bbu̱rre̱ti̱ ci ogon ki bbu̱rre̱ti̱ ci a̱ppwe̱ atuz nginti a̱ddi̱ki̱re̱. Izeto i̱i̱ ki ta̱mu̱-keng do̱o̱k gi̱da̱nge̱ ne ter zo̱ze̱ ci bbu̱rre̱t neci iyowa lo̱o̱we̱ neci wu̱u̱ni̱ ke̱.