O̱no̱zzo̱k 16:10 - Tennet

¹⁰ U̱ddu̱te̱k zin anjilo wa een tu̱r ko̱ uduc cinne lecer ci e̱le̱gi̱t ci mooti ko̱, u̱ju̱ko̱zi̱k zin alaanzet cinne nginti mu̱hu̱ri̱. Adait ol a̱ha̱tti̱ cigge̱k ngati abalace,

O̱no̱zzo̱k 16:10 ပူးပေါင်းရင်းမြစ်များ

Ma̱te̱yo̱ 13:42

Kar atin nege ku̱ju̱kte̱k nogo gwo̱o̱ ci apadpadi udut, nginti a̱lu̱we̱ nege oroot kar kuruwet nyigit.

Ma̱te̱yo̱ 13:50

Kar ol cik gerzek anyak mu̱nye̱n ku̱ju̱kto̱zi̱k gwo̱o̱ ci apadpadi udut, kar nege ku̱tu̱lu̱zzo̱ kiriyet nyigit.”

Ma̱te̱yo̱ 22:13

“Iizek zin alaani du̱cca̱k ciginnek ne, ‘A̱gga̱mi̱t e̱e̱t necu e̱ce̱bi̱t zo̱o̱ ki azzin kar zin u̱ju̱ktte̱k re̱e̱nu̱n, nginti mu̱hu̱ri̱ ke̱, nginti okko enne a̱lu̱we̱ nyigite cik lo̱o̱tu̱.’

Ma̱te̱yo̱ 24:51

A̱kku̱ atin manyi ce̱e̱z neci, okko a̱ru̱k du̱ca̱i̱t neci oroot kar kotowek du̱cca̱k wak a̱ru̱k talaben, nginti a̱lu̱we̱ atin nege nyigite cik lo̱o̱tu̱.”

Ma̱te̱yo̱ 8:12

Imma ol wak ovvo atin aavtte ba̱a̱li̱nte̱ ci ta̱mu̱-kengo ko̱, otowonik re̱e̱nu̱n ngati mu̱hu̱ri̱. A̱lu̱ atin nege nyigite cik lo̱o̱tu̱.”

Lu̱ka̱ 13:28

“A̱lu̱yyu̱ atin niga oroot, kar bo̱do̱k adait e̱le̱tti̱ ngati ovvo acinnu Aburaham, I̱sa̱ko̱, Ya̱ko̱bo̱ ki a̱ri̱tto̱k ba̱a̱li̱nte̱ ci Ta̱mu̱ta̱dde̱no̱, abarik atin Ta̱mu̱ta̱dde̱n ottokung i̱ge̱ta̱ oot twa̱.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

O̱no̱zzo̱k 11:10

Ovvo olli lo̱o̱tu̱ atalne ki ci adak nege kwo̱o̱r go̱o̱le̱ ci i̱tto̱ne̱ nege muci cigge̱k, eci a̱ri̱tto̱wa̱ cik e̱e̱ggi̱n rama ko̱ i̱gi̱dde̱t ol cik abak lo̱o̱ta̱ ko̱.

O̱no̱zzo̱k 11:2

Ma i̱ya̱bi̱ a̱lu̱wa̱ ci Ce̱e̱z wa Ta̱mu̱ta̱dde̱no̱ eci re̱e̱nu̱no̱, eci anyozik o̱to̱ni̱ neci ol wak iróng e̱e̱ggi̱n Ya̱u̱d. U̱la̱l atin nege Jerusalem ci a̱li̱le̱ ngati abale orog neci nyelowi moten we̱c ki rama.

O̱no̱zzo̱k 11:8

Ovvo atin e̱le̱tti̱ cigge̱k i̱pa̱rye̱ go̱o̱le̱ ci orog ci a̱ddi̱ki̱re̱, ci imek ol Sodom ki Masir, nginti bali bo̱do̱k ododike ol Manyi cinne̱ng ta̱la̱ke̱c.

O̱no̱zzo̱k 17:17

Eci Ta̱mu̱ta̱dde̱n aarik zi̱nze̱tti̱ cigge̱k abunna edecak li̱ngli̱ngo̱n cinne ngati anyike e̱le̱gi̱t komiz kar kabal lo̱o̱c, zee kakat zoz ci Ta̱mu̱ta̱dde̱no̱ mo̱o̱le̱t.

O̱no̱zzo̱k 17:9

“Orong zin zoz necu e̱e̱t ci aziye zoz kar bo̱do̱k kanyak ki genyiz. E̱e̱ggi̱n o̱o̱tti̱ wak e̱e̱ggi̱n turgerem ko̱ zi̱i̱ryo̱k cik e̱e̱ggi̱n turgerem aave ngaa necu ko̱.

O̱no̱zzo̱k 18:2

Egereny zin enne muluwe ci a̱bu̱le̱: “I̱li̱be̱ bai! I̱li̱be̱ Babiloni orogi ci a̱ddi̱ki̱re̱! Ize enne ce̱e̱z ci abahe kuulo cik lo̱rye̱nta̱k kar kize nyaperit ci vongizzok cik lo̱rye̱nta̱k, een nyaperit ci iballi cik ngoronyik gerzek.

O̱no̱zzo̱k 18:21

Idima zin anjilo ci okkomi Ta̱mu̱ta̱dde̱no̱ ubunge ci a̱ddi̱ki̱re̱ kar ku̱ju̱ke̱k nyatapar ci a̱ddi̱ki̱re̱, kar kize ne: “Imma zo̱ze̱ ci jooro ko̱, a̱ju̱ko̱ni̱k atin orogi ci a̱ddi̱ki̱re̱ Babiloni ko̱ lo̱o̱c, iróng atin arubjai udut.

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 9:2

Baling okko enne oo lo̱o̱k neci, iyowa bbu̱rre̱ti̱ ci ogon ki bbu̱rre̱ti̱ ci a̱ppwe̱ atuz nginti a̱ddi̱ki̱re̱. Izeto i̱i̱ ki ta̱mu̱-keng do̱o̱k gi̱da̱nge̱ ne ter zo̱ze̱ ci bbu̱rre̱t neci iyowa lo̱o̱we̱ neci wu̱u̱ni̱ ke̱.