O̱no̱zzo̱k 16:1 - Tennet

¹ Kiziya zin anna muluk ci a̱ppwe̱ ci iyowa Ce̱e̱ze̱ wa Ta̱mu̱ta̱dde̱no̱, a̱nne̱k anjilonya cik e̱e̱ggi̱n turgerem ko̱ ne, “O̱o̱tte̱ uduce ne̱k e̱e̱ggi̱n turgerem ko̱ kar u̱du̱tte̱k mozinet ci Ta̱mu̱ta̱dde̱no̱ olli lo̱o̱tu̱.”

O̱no̱zzo̱k 16:1 ပူးပေါင်းရင်းမြစ်များ

O̱no̱zzo̱k 11:19

Oowe zin Ce̱e̱z wa Ta̱mu̱ta̱dde̱no̱ ta̱mu̱-kenga, imma ce̱e̱ze̱ neci anyak ce̱e̱ndu̱k ci olomo. I̱ye̱la̱ zin gwa̱a̱ ci borowoco, ki ming a̱ju̱l looci, ki ki̱ri̱ki̱ri̱k ki ta̱mu̱ ci a̱ju̱ka̱ teltelen.

O̱no̱zzo̱k 14:15

I̱ki̱ya̱ zin anjilo imma iyowa Ce̱e̱ze̱ wa Ta̱mu̱ta̱dde̱no̱ kar kutu E̱e̱t ci aave di̱i̱zo̱ca̱ ko̱ muluwe ci a̱ppwe̱, “Dima cerecere cunne ciriyaininto, eci i̱ki̱ya̱ i̱i̱te̱ni̱ ci ciriyaininto, eci ubunna ciriyaininet ci lo̱o̱tu̱.”

O̱no̱zzo̱k 14:18

Iyowa anjilo imma ci anyak doiz ci gwo̱o̱yo̱ a̱kku̱ i̱te̱la̱ kar kegerenyek anjilo ci anyak cerecere ci lehedi ko̱ muluwe ci a̱ppwe̱, a̱nne̱k ne, “Dima cerecere cunne lehedi ko̱, kar luta o̱ya̱u̱ cik een vi̱no̱ alute keete ci atanak ma̱ne̱ ci lo̱o̱tu̱ ko̱, eci i̱bbi̱re̱to̱ o̱ya̱u̱ ne̱ke̱.”

O̱no̱zzo̱k 15:1

Kicina zin bo̱do̱k anna ta̱mu̱-kenga anyak baayenit imma ci a̱ddi̱ki̱re̱ oroot aanya ki̱vi̱re̱t bi̱ye̱ta̱: anjilonya turgerem anyaha zerenin turgerem cik vu̱rrta̱k, eci zo̱ze̱ necu uk zin mozinet ci Ta̱mu̱ta̱dde̱no̱ edeccai.

O̱no̱zzo̱k 16:17

U̱ddu̱te̱k zin anjilo wa een turgerem ko̱ uduc cinne ngoot. Iyowa zin Ce̱e̱ze̱ wa Ta̱mu̱ta̱dde̱no̱ mului ci oroi lecera, azi ne, “U̱tu̱gu̱we̱ ubunna!”