O̱no̱zzo̱k 15:3 - Tennet

³ kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 15:3 ပူးပေါင်းရင်းမြစ်များ

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

I̱bu̱ru̱ 3:5

A̱li̱ngli̱nge̱k Musesi ol cik Ta̱mu̱ta̱dde̱no̱ wak een Ce̱e̱z ci Ta̱mu̱ta̱dde̱no̱, a̱du̱wa̱ zoz ci atin okko ogone.

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 11:17

Azi nege ne: “Kanyikka zany i̱nne̱ta̱ Manyi Ta̱mu̱ta̱dde̱n wa anyak Komiz do̱o̱k, i̱nne̱t ci aave i̱yo̱ko̱ kar a̱vvu̱ bu̱k ba̱li̱ye̱, eci i̱nna̱ i̱ye̱la̱ doiz cunne a̱ddi̱ki̱re̱ kar kate ba̱a̱li̱ne̱t cunne.

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 14:8

I̱ki̱ya̱ zin anjilo ci een ram ko̱ kar kize ne, “I̱li̱btte̱, I̱li̱btte̱ olli orog ci a̱ddi̱ki̱re̱ een Babilon, orog ci aanyik ol do̱o̱k lo̱o̱ta̱ kuudet merte ci aanyik nogo a̱li̱ya̱kze̱t oroot.”

O̱no̱zzo̱k 17:14

Anyaha atin nege illa ci oore Nyoon, ma̱i̱je̱ atin Nyoon ommog nogo ma̱rri̱t enne een Manyi ci ma̱ci̱gi̱nnu̱ ki Alaan ci alaatu veelek. Ovvo ol wak annu nonno ko̱ atahaltai kar ku̱zu̱tte̱ zoz cinne.”

O̱no̱zzo̱k 19:16

Imma ru̱u̱me̱ cinne ki azana e̱he̱rye̱ zara ciginnek ke̱te̱: ALAAN CI ALAATU KI MANYI CI MA̱CI̱GI̱NNU̱.

O̱no̱zzo̱k 19:2

eci te̱di̱ne̱t lo̱ki̱ko̱ cinne een zoz ci abunna kar bo̱do̱k kize de̱de̱. Edez enne ngaa ci een a̱li̱ya̱i̱t wa a̱ddi̱ki̱re̱ bali egerzan lo̱o̱c a̱li̱ya̱kze̱te̱ cinne. Acaca zin Ta̱mu̱ta̱dde̱n ngatinne bi̱ye̱ cik du̱cca̱k ciginnek balik a̱ru̱we̱ ke̱.”

O̱no̱zzo̱k 4:8

Ovvo kaala ne̱k e̱e̱ggi̱n we̱c aruge ko̱, anyak ngenngene ṯaabani torkonom, anyak bo̱do̱k ebere ṯaabete do̱o̱k rok ecito. E̱be̱ne̱ nege wazin ki ba̱a̱li̱n kaal azi ne: “A̱li̱le̱, a̱li̱le̱, a̱li̱le̱ nonno ci een Manyi Ta̱mu̱ta̱dde̱n ci anyak Komiz do̱o̱k, wa bali aave, kar i̱yo̱ko̱, kar atin okko a̱kku̱.”