O̱no̱zzo̱k 14:4 - Tennet

⁴ E̱e̱ggi̱n ne̱ko̱ ol cik iróng a̱wu̱l e̱le̱tti̱ ngaane, eci azunne e̱le̱tti̱ cigge̱k kizeto caale ne paz. Annu nege Nyoon rok nginti okkoye enne. Ataltai nege arrak oowa orgene ci ol cik diirik kar kanycozik nogo kizeto cik Ta̱mu̱ta̱dde̱no̱ ki ci Nyoono, kar nege kizeto ol cik riilik lo̱o̱ta̱ ngatu.

O̱no̱zzo̱k 14:4 ပူးပေါင်းရင်းမြစ်များ

Ma̱te̱yo̱ 19:12

Een ne̱ko̱ zo̱zzo̱k cik iróng ol uggak arucene, ovvo ol uggak egerzan ol u̱gge̱ kar iróng a̱ri̱ti̱, ovvo uggak abure rucenet zo̱ze̱ ci ba̱a̱li̱ne̱t ci ta̱mu̱-kengo. Ming orong e̱e̱ti̱ baiz ci aave e̱e̱ti̱ ollin ko̱, anyik kelema.”

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Ma̱te̱yo̱ 8:19

I̱ki̱ya̱k zin de̱me̱zo̱i̱ti̱ wa lo̱ti̱nno̱k wak Musesi, kar kize ne, “De̱me̱zo̱i̱t, kanuyi zee rok nginti okkoye i̱nna̱.”

Kaviyak wak Abunna Ta̱mu̱ta̱dde̱no̱ eher Joni 10:27

Aziye eezena cigannik muluk cinanni, ka̱gga̱ nogo, kar nege kunuyan.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 13:37

I̱jji̱n zin bo̱do̱k Peturu Ye̱su̱ dee, “Manyi, nya ming iróng kanuyi i̱yo̱ko̱ niko? Ka̱da̱i̱ atin zo̱ze̱ cunne.”

Kaviyak wak Abunna Ta̱mu̱ta̱dde̱no̱ eher Joni 8:12

Ozozik bo̱do̱k Ye̱su̱ nogo, a̱nne̱k ne, “Ke̱e̱ni̱ anna tukulec ci lo̱o̱tu̱. Imma ming annuya e̱e̱ti̱ iróng atin owo ngati mu̱hu̱ri̱, abarik atin enne anyak tukulec ci rugeto.”

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

1 Ko̱ri̱nto̱ 6:20

Utuwaung bali Ta̱mu̱ta̱dde̱n i̱ge̱t daize ci Ye̱su̱ Ki̱ri̱sto̱. Abunna zin niga ming a̱di̱ngdi̱nga̱nnu̱ Ta̱mu̱ta̱dde̱n e̱le̱tti̱ne̱ cuggo̱k.

1 Ko̱ri̱nto̱ 7:28

Abarik ming orong e̱e̱ti̱ kuruco, abunna bu̱k labak, i̱llo̱i̱ mu̱nye̱n. Ming orong do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ki̱ti̱ye̱, abunna a̱ti̱ye̱ labak, iróng enne ogon zoz ci gerze. Abarik ol cik aruce ko̱ amuda atin no̱ngi̱tto̱n cik meelek baize necu, korongi anna kalamung zo̱ze̱ necu.

2 Ko̱ri̱nto̱ 11:2

Kazunnung anna i̱ge̱t kiwagon Ta̱mu̱ta̱dde̱n ming azunnung i̱ge̱t ko̱. U̱tu̱gu̱zzu̱ niga kiwagon do̱le̱c ci nga̱a̱ye̱ ngen ka̱ta̱gu̱zzo̱ ki mac cinne. Ku̱du̱wa̱u̱ng anna i̱ge̱t kar urumtte ki Ye̱su̱ Ki̱ri̱sto̱.

Evesos 1:14

A̱du̱wa̱kke̱t Vongizi ci Ta̱mu̱ta̱dde̱no̱ i̱yo̱ko̱, kanyak naga ko̱ kaal cik kamuda atin naga adazek Ta̱mu̱ta̱dde̱n ol ciginnek ngati Ki̱ri̱sto̱. Abunna zin naga ki̱ye̱la̱ di̱ngdi̱ngo̱n cinne i̱i̱nya̱ do̱o̱k kaale ne̱ko̱.

Evesos 5:27

Ogon Ki̱ri̱sto̱ zoz necu kar atin ki̱di̱ngdi̱nga̱ni̱t ke̱le̱ci̱a̱ ci a̱li̱le̱ ko̱, ki̱zzi̱ rok gi̱i̱ imma ci anganye ol nonno to.

1 Ti̱mo̱te̱yo̱ 4:3

Edemez nege ol azi ne gerza rucenet, kar bo̱do̱k ma adakku da̱i̱ne̱t u̱gge̱. Abarik ka̱gga̱ eenycak Ta̱mu̱ta̱dde̱n da̱i̱ne̱t ne̱ke̱ ol cik diirik kar ol wak a̱tu̱we̱ a̱gga̱ zoz ci een de̱de̱ ko̱, ka̱gga̱mta̱ ngati anyike nonno zany.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

O̱no̱zzo̱k 17:14

Anyaha atin nege illa ci oore Nyoon, ma̱i̱je̱ atin Nyoon ommog nogo ma̱rri̱t enne een Manyi ci ma̱ci̱gi̱nnu̱ ki Alaan ci alaatu veelek. Ovvo ol wak annu nonno ko̱ atahaltai kar ku̱zu̱tte̱ zoz cinne.”

O̱no̱zzo̱k 21:22

Ngen anna kicin Ce̱e̱z wa Ta̱mu̱ta̱dde̱no̱ orgato, ma̱rri̱t Manyi Ta̱mu̱ta̱dde̱n wa anyak Komiz do̱o̱k ki Nyoon nogo cik e̱e̱ggi̱n Ce̱e̱z wa Ta̱mu̱ta̱dde̱no̱.

O̱no̱zzo̱k 21:23

Iróng orogi orong i̱i̱ icima nye̱lo̱k kar kataran lo̱o̱c, ma̱rri̱t di̱ngdi̱ngo̱ni̱ ci Ta̱mu̱ta̱dde̱no̱ ataran lo̱o̱c, okko Nyoon een urez cinne.

O̱no̱zzo̱k 3:4

Anyakku niga ol cikidik Sardisa cik iróng ongonyek ru̱u̱ma̱ni̱ cigge̱k mu̱nye̱n. Ovvo atin nege owo ki annita ru̱u̱ma̱ni̱ne̱ cik voorik, eci nege e̱e̱ggi̱n ol cik abunna.

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.