O̱no̱zzo̱k 14:2 - Tennet

² Kiziya zin anna muluk ci a̱kku̱ ta̱mu̱-kenga oroi kiwagon maama cik a̱ri̱i̱, a̱ju̱l bo̱do̱k ki borowoci. Kiziya anna bo̱do̱k muluk ci oroi ki ci a̱ru̱k ol lokombet.

O̱no̱zzo̱k 14:2 ပူးပေါင်းရင်းမြစ်များ

Lu̱ge̱z 19:16

Imma nge̱rre̱t i̱i̱nya̱we̱ wa een i̱i̱yo̱, a̱ju̱l ta̱mu̱ kar kabad, anyak di̱i̱zo̱c ci a̱ri̱re̱ biya ta̱dde̱na̱, kar kanyak ture ci abuwe. A̱bba̱ri̱te̱t ol do̱o̱k nyaperita.

Lu̱ge̱z 20:18

Baling iziyyet ol ture ming abuwe ki ta̱mu̱ ming a̱ju̱li̱ kar kicinnet borowoc biya ta̱dde̱na̱ ming anyak bbu̱rre̱t, a̱bba̱ri̱te̱t zin nege oroot ngo̱li̱nta̱. A̱vvu̱to̱ zin reena

1 Ko̱ri̱nto̱ 13:1

Ming kanyai anna komiz ci kozoze u̱tu̱ge̱tti̱ne̱ cik ollu do̱o̱k ki cik anjilonyau bu̱k, imma ngatu i̱llo̱i̱ annit rezinet ci kireze ol, een zoz cinanni ko̱ du̱wa̱ du̱wa̱ gaganiko, i̱llo̱i̱ zoz ci een de̱de̱.

O̱no̱zzo̱k 1:10

Imma i̱i̱te̱ne̱ ci alawe ol cik a̱tu̱we̱ Manyi Ye̱su̱, i̱ki̱ya̱ha̱ Vongizi ci Ta̱mu̱ta̱dde̱no̱ o̱no̱zo̱we̱, kar anna kizik vu̱rrte̱ cinanni muluk ci a̱ppwe̱ oroi ki ture ci abuwe,

O̱no̱zzo̱k 1:15

Ovvo zoona ciginnek ogon kiwagon covoriya ci ozolo gwo̱o̱ya̱, okko mului cinne ogon kiwagon maama cik a̱ri̱i̱.

O̱no̱zzo̱k 11:12

Iziyyet zin nege muluk ci a̱ppwe̱ a̱kku̱ ta̱mu̱-kenga, a̱nne̱k nogo ne, “I̱vi̱ta̱ ta̱dde̱n ngatu.” Oot zin nege ta̱mu̱-kenga di̱i̱zo̱ca̱, ma̱i̱je̱ mo̱ddo̱ cigge̱k atangamttek nogo niko.

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 15:2

Kicina bo̱do̱k gilac ci ogon ki nyatapari ci a̱ddi̱ki̱re̱ ci ongotane ki gwo̱o̱. Imma ol ne̱k abile abanyce ci nyatapar ci a̱ddi̱ki̱re̱ ko̱, e̱e̱ggi̱n ne̱ko̱ ol balik ommog e̱le̱gi̱t ki ri̱ri̱to̱n cinne ki nimira ci e̱le̱gto̱. Anyak nege lokombet cik aanyik nogo Ta̱mu̱ta̱dde̱n,

O̱no̱zzo̱k 18:22

Iróng atin ol aziye be̱ni̱nno̱k ngati ol wak e̱be̱ne̱ lokemba ki te̱te̱li̱nya̱i̱ ki wak abu turet, iróng atin kaala ne̱ke̱ do̱o̱k ngen ogone ngatunne bo̱do̱k. I̱llo̱i̱ e̱e̱t imma ci a̱li̱ngli̱ng ngatunne bo̱do̱k iróng atin arubjai ngatunne udut. Imma roi ci orowe rabaz iróng atin i̱nna̱ azii udut.

O̱no̱zzo̱k 5:8

Kar baling a̱gga̱ma̱ enne waraga neci, a̱ka̱tte̱k zin kaala cik aruge e̱e̱ggi̱n we̱c ko̱ ki lo̱ddi̱ki̱re̱ moten rama ki we̱c do̱o̱k nonno u̱zu̱ngti̱nne̱. Anyak ngenngene gitar kar ka̱gga̱mi̱t bo̱do̱k uduce cik e̱e̱ggi̱n dhahab abbize lotagongi, e̱e̱ggi̱n ne̱ko̱ kaal cik alawe ol cik a̱li̱le̱ Ta̱mu̱ta̱dde̱n.

O̱no̱zzo̱k 6:1

Kicina anna Joni ming a̱du̱l Nyoon mutulac ci een oo mutulai wak e̱e̱ggi̱n turgerem a̱gga̱m waraga ko̱. Kar kizik kaal cik aruge e̱e̱ggi̱n we̱c ko̱ co̱de̱ ngatinne̱ng ming ozoz muluwanine cik a̱ppi̱nte̱k a̱ju̱l kiwagon borowoci, azi ne, “I̱jja̱!”

O̱no̱zzo̱k 8:7

Utubu zin anjilo ci een oo ture cinne, kar zin teltelena ki̱ta̱zzo̱ ta̱mu̱-kenga ki gwo̱o̱, ongotane ki bi̱ye̱. Utuze zin looci lo̱lo̱i̱t co̱de̱ cidici ngati e̱e̱ggi̱nne̱ i̱i̱yo̱, u̱tu̱zze̱ zin keena ki arte lo̱lo̱i̱t cikidik bu̱k.