O̱no̱zzo̱k 14:1 - Tennet

¹ Kicina zin anna bo̱do̱k Nyoon ci abile biye ci een zara Zion, ki ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) wak e̱he̱rye̱ zara cik Nyoono ki cik Baatinne ngu̱mtti̱nne̱ cigge̱k.

O̱no̱zzo̱k 14:1 ပူးပေါင်းရင်းမြစ်များ

Lu̱ka̱ 12:8

“Ka̱du̱wa̱kku̱ng anna i̱ge̱ta̱, imma e̱e̱ti̱ ci elemanna annit orgene ci ollu, okko atin Ngerrti E̱e̱to̱ elemna nonno orgene ci anjilonya cik Ta̱mu̱ta̱dde̱no̱.

Roma 9:33

Ki i̱yo̱ko̱ ming a̱du̱wa̱ Ta̱mu̱ta̱dde̱n buwe cinne, azi ne, “Icinnet, kabaik anna bee nginti een Zion kar kidir ol, bee ci aanyik nogo ku̱yu̱kte̱, Ma̱i̱je̱ e̱e̱ti̱ ci a̱tu̱ nonno, iróng atin adak a̱li̱ya̱ni̱.”

O̱no̱zzo̱k 14:14

Baling koowa ebere kacinni di̱i̱zo̱c ci voori kar E̱e̱ti̱ ci aave di̱i̱zo̱ca̱ ko̱ “Ogon ki Ngerrti E̱e̱to̱” Aim luluk ci ataltali een dhahab o̱o̱we̱ cinne, anyak ki cerecere ci lehedi a̱tta̱.

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 15:5

Imma vu̱rrte̱ ci zoz cu, kicina Ce̱e̱ze̱ wa Ta̱mu̱ta̱dde̱no̱ ta̱mu̱-kenga, Nginti A̱li̱le̱ Oroot ming o̱o̱ye̱.

O̱no̱zzo̱k 22:4

Acin atin nege ngu̱m cinne ele, kar zin atin zara ciginnek keteherte ngu̱mtti̱nne̱ cigge̱k.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.

O̱no̱zzo̱k 4:1

Kicina anna o̱no̱zo̱we̱ tatug ta̱mu̱-kenga ming o̱o̱ye̱. Kar mului ci kazi anna arrak oowa ozozikan oroi kiwagon ture ci abuwe, a̱nne̱ka̱ ne, “I̱jja̱ ta̱dde̱na̱ ngatu, kar anna ki̱ye̱le̱i̱ kaal cik atin ogone vu̱rrta̱.”

O̱no̱zzo̱k 6:8

Kicina zin anna o̱o̱we̱ cinanni vartangec ci culai ming a̱kku̱! Okko e̱e̱ti̱ ci ottod een zara Daiz ki nginti daizo ming annu nonno. Anyak nege doiz ci a̱ru̱we̱ ol lo̱lo̱i̱t co̱de̱ ngati e̱e̱ggi̱nne̱ we̱c cikidik illawa lo̱o̱ta̱ ngatu, ovvo a̱ru̱k u̱gge̱ go̱o̱le̱ ci anyahe nege magiz ki zeret, ki go̱o̱le̱ ci elegje cik zarak mootik lo̱o̱ta̱ ngatu.