O̱no̱zzo̱k 13:6 - Tennet

⁶ Odom zin enne Ta̱mu̱ta̱dde̱n kar bo̱do̱k kodom zar ciginnek ki nginti abahe enne ki ol wak abak ta̱mu̱-kenga ko̱.

O̱no̱zzo̱k 13:6 ပူးပေါင်းရင်းမြစ်များ

Ma̱te̱yo̱ 12:34

Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 15:19

Eci i̱no̱ni̱ ci gerze a̱kku̱ zinina, ki i̱yo̱ko̱, munyenet e̱e̱t ci diiri, orooto e̱e̱ti̱ ki ngaai cik ollu, ki a̱li̱ya̱kze̱t, ogor, volong, ki zoz ci ozoze zar cik e̱e̱ta̱k volonga.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Roma 3:13

“Ogon u̱tu̱ge̱tti̱ cigge̱k ki e̱le̱gi̱ti̱ ci a̱da̱k i̱ri̱ya̱, a̱du̱wa̱ a̱ha̱tti̱ cigge̱k zoz ci een volong.” “A̱du̱wa̱ bo̱do̱k u̱tu̱ge̱tti̱ cigge̱k zoz ci a̱du̱l emmen ci e̱e̱to̱ ogon ki ming adak uwat e̱e̱t.”

Kolosiya 1:19

Eci Ta̱mu̱ta̱dde̱n atalne ming aave enne do̱o̱k ngati Ki̱ri̱sto̱,

Kolosiya 2:9

Eci ngati Ki̱ri̱sto̱, abak Ta̱mu̱ta̱dde̱n eliye cinne do̱o̱k,

I̱bu̱ru̱ 9:2

Eeteheeny Muses Ce̱e̱z wa Ta̱mu̱ta̱dde̱no̱ een ti̱ti̱, enger ecito lak rama. Een nginti o̱o̱wu̱ ko̱ zara ne Nginti A̱li̱le̱ kar kanyak gi̱i̱ ci abilne tukulena, anyak bo̱do̱k nginti anyak umune ci a̱li̱le̱.

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

O̱no̱zzo̱k 11:12

Iziyyet zin nege muluk ci a̱ppwe̱ a̱kku̱ ta̱mu̱-kenga, a̱nne̱k nogo ne, “I̱vi̱ta̱ ta̱dde̱n ngatu.” Oot zin nege ta̱mu̱-kenga di̱i̱zo̱ca̱, ma̱i̱je̱ mo̱ddo̱ cigge̱k atangamttek nogo niko.

O̱no̱zzo̱k 12:12

Ataltto zin niga ol cik abakku ta̱mu̱-kenga ko̱! Abarik o̱lle̱ nonga ngati nyatapar ci a̱ddi̱ki̱re̱ ki lo̱o̱c, eci u̱ju̱ko̱zi̱u̱ng lo̱rye̱nti̱ i̱ge̱t lo̱o̱ta̱! Omoze enne oroot, eci enne a̱gga̱ izeto idice nonno i̱i̱nya̱.”

O̱no̱zzo̱k 15:5

Imma vu̱rrte̱ ci zoz cu, kicina Ce̱e̱ze̱ wa Ta̱mu̱ta̱dde̱no̱ ta̱mu̱-kenga, Nginti A̱li̱le̱ Oroot ming o̱o̱ye̱.

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”

O̱no̱zzo̱k 21:3

Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.

O̱no̱zzo̱k 4:1

Kicina anna o̱no̱zo̱we̱ tatug ta̱mu̱-kenga ming o̱o̱ye̱. Kar mului ci kazi anna arrak oowa ozozikan oroi kiwagon ture ci abuwe, a̱nne̱ka̱ ne, “I̱jja̱ ta̱dde̱na̱ ngatu, kar anna ki̱ye̱le̱i̱ kaal cik atin ogone vu̱rrta̱.”

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.

O̱no̱zzo̱k 5:13

Kiziya zin kaal wak aruge e̱e̱ggi̱n we̱c do̱o̱k ta̱mu̱-kenga, lo̱o̱ta̱ ki lo̱o̱c todowai ecito nyatapare ci a̱ddi̱ki̱re̱, ki kaal cik aruge lo̱o̱ta̱ do̱o̱k ming e̱be̱ne̱: “Kanyikka inatinet ki ngo̱li̱ne̱t, ki di̱ngdi̱ngo̱n e̱e̱t ci aave lecera ko̱ ki Nyoon kinnatit nonno kar ko̱to̱ngo̱o̱ltte̱ nonno kar i̱di̱ngdi̱nga̱nni̱t nonno wa anyak komiz ci abale enne ol udut!”

O̱no̱zzo̱k 7:15

I̱yo̱ko̱ zin, “Aavtte nege oowa lecere ci Ta̱mu̱ta̱dde̱no̱ a̱li̱ngli̱nge̱k nege nonno tu̱p kaal Ce̱e̱ze̱ cinne; kar enne ka̱vvu̱ lecere cinne kar kaarik nogo Ce̱e̱z cinne bu̱k.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.