O̱no̱zzo̱k 13:2 - Tennet

² Okko e̱le̱gi̱ti̱ ci kicina anna ko̱ atubo ki keelang, ma̱i̱je̱ ngatu anyak zo̱o̱ ki e̱le̱gi̱ti̱ ci ogon ki nyaangu, imma utugi cinne ogon ki ci maawo. Aanyik zin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ ko̱ e̱le̱gi̱t neci doiz cinne ki lecer cinne ki alaanzet ci a̱ddi̱ki̱re̱.

O̱no̱zzo̱k 13:2 ပူးပေါင်းရင်းမြစ်များ

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

O̱no̱zzo̱k 12:13

Baling icin e̱le̱gi̱ti̱ ci ogon ki u̱ggu̱li̱ ci a̱ddi̱ki̱re̱ u̱ju̱ko̱zi̱k enne lo̱o̱c, i̱vi̱r zin vu̱rrte̱ ci ngaa bali ukca do̱le̱c ci maci ke̱.

O̱no̱zzo̱k 12:15

Kar u̱ggu̱li̱ ci a̱ddi̱ki̱re̱ kutura utuge cinne maam cik ogon kiwagon moro, kar koot o̱o̱we̱ ci ngaa neci kar atin ki̱ti̱k nonno kutudude.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:12

A̱li̱ngli̱ng enne doize ci e̱le̱gi̱t bali a̱ddi̱ki̱re̱ mooti o̱o̱wu̱ ke̱, kar kaanyik olli lo̱o̱tu̱ ki̱di̱ngdi̱nga̱ni̱t e̱le̱gi̱t bali o̱o̱wu̱ ke̱, alal ngo̱do̱co̱ cinne bali gerze oroot ke̱.

O̱no̱zzo̱k 13:4

I̱di̱ngdi̱nga̱nni̱t zin ol cik diirik u̱ggu̱l ci a̱ddi̱ki̱re̱ ma̱rri̱t ming aanyik enne e̱le̱gi̱t kabal ol, kar nege bu̱k kalac e̱le̱gi̱t neci kar zin ki̱jji̱nto̱ kizeto ne, “Ngene ci atubo ki e̱le̱gi̱t necu? Ngene wo̱ye̱ ci uule kar koor nonno?”

O̱no̱zzo̱k 16:10

U̱ddu̱te̱k zin anjilo wa een tu̱r ko̱ uduc cinne lecer ci e̱le̱gi̱t ci mooti ko̱, u̱ju̱ko̱zi̱k zin alaanzet cinne nginti mu̱hu̱ri̱. Adait ol a̱ha̱tti̱ cigge̱k ngati abalace,

O̱no̱zzo̱k 17:12

“E̱e̱ggi̱n o̱to̱ cik icinnu i̱nna̱ een omoto ko̱ alaat wak ngen ka̱gga̱mta̱ alaanzet, abarik ming utube i̱i̱ co̱de̱, amuda atin nege alaanzet ki e̱le̱gi̱t bu̱k nga̱to̱de̱.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 20:2

A̱gga̱m enne u̱ggu̱l ci a̱ddi̱ki̱re̱, een enne bo̱do̱k uwat ci a̱ddi̱ki̱re̱ unuk da̱, een enne lo̱rye̱ni̱t ci een zara Sitan, kar zin enne keceb nonno e̱rki̱to̱k i̱bbo̱ng co̱de̱ (1,000).